الماتىنىڭ يننوۆاتسييا بويىنشا كٶشباسشى اتانۋعا تولىق مٷمكٸندٸگٸ بار. بۇل تۋرالى قر پرەزيدەنتٸ قاسىم-جومارت توقاەۆ الماتى قالاسىن ودان ەرٸ دامىتۋ مەسەلەلەرٸ جٶنٸندە كەڭەس بارىسىندا ايتتى, دەپ حابارلايدى "ۇلت اقپارات".
جيىندا پرەزيدەنت الماتىنى دامىتۋداعى ماڭىزدى مٸندەتتەردٸڭ بٸرٸ رەتٸندە شەتەلدٸك ينۆەستيتسييالاردى قورعاۋ ەكەندٸگٸنە نازار اۋداردى.
وسى رەتتە مەملەكەت باسشىسى ينۆەستورلاردىڭ ەلٸمٸزدە بيزنەستەرٸن جايلى جٷرگٸزۋٸ ەكونوميكانىڭ تابىستى دامۋىنا جەنە ازاماتتاردىڭ ەل-اۋقاتىنا ىقپال ەتەتٸنٸن ەسكەرتتٸ.
– ينۆەستورلارمەن دۇرىس قارىم-قاتىناس مەملەكەتتٸك ورگاندار ٷشٸن مٸندەت بولۋعا تيٸس. سوندىقتان قۇقىق قورعاۋ ورگاندارى مەن باسقا دا ٶكٸلەتتٸ قۇرىلىمدارعا ينۆەستورلاردىڭ جۇمىسىنا نەگٸزسٸز ارالاسۋعا بولمايتىنىن ەسكەرتەمٸن, – دەدٸ پرەزيدەنت.
سونداي-اق مەملەكەت باسشىسى ٶز سٶزٸندە قالانىڭ يننوۆاتسييالىق سالاداعى الاتىن ورنىن نىعايتۋ قاجەتتٸگٸنە توقتالدى.
قاسىم-جومارت توقاەۆتىڭ پٸكٸرٸنشە, الماتىنىڭ اتالعان سالادا كٶشباسشى بولۋعا تولىق مٷمكٸندٸگٸ بار. بۇعان يننوۆاتسييالىق تەحنولوگييالار پاركٸنٸڭ ەلەۋەتٸ, ەلٸمٸزدٸڭ جەتەكشٸ جوعارى وقۋ ورىندارىنىڭ جەنە ۆەنچۋرلىق كاپيتالدىڭ ايتارلىقتاي بٶلٸگٸنٸڭ وسىندا شوعىرلانۋى سەپتٸگٸن تيگٸزەدٸ.
