Memleket basshysynyń Jarlyǵymen Erlan Qoshanov Qazaqstan Respýblikasy Prezidenti Ákimshiliginiń Basshysy qyzmetine taǵaiyndaldy, dep habarlaidy QazAqparat Aqordaǵa silteme jasap.
«Erlan Jaqanuly Qoshanov Qazaqstan Respýblikasy Prezidenti Ákimshiliginiń Basshysy bolyp taǵaiyndalsyn, ol Qaraǵandy oblysynyń ákimi qyzmetinen bosatylsyn», delingen qujatta.
Erlan Jaqanuly 1962 jyly Qaraǵandy oblysynda týǵan. 1984 jyly Qaraǵandy politehnikalyq institýtyn bitirdi. 1999 jyly – Qazaq memlekettik basqarý akademiiasyn bitirdi.
Institýt bitirgen soń Jezqazǵan ken-metallýrgiia kombinaty baiytý fabrikasynyń slesary, sheberi bolyp istedi. 1988-1990 jj. – jumysker jáne aýyl jastary bóliminiń nusqaýshysy, Qazaqstan LKJO Jezqazǵan oblystyq jastar problemalarynyń áleýmettik-ekonomikalyq bóliminiń meńgerýshisi. 1990-1995 jj. – Jezqazǵan oblystyq komitetiniń syrtqy ekonomikalyq bailanys komitetiniń jetekshi mamany, bólim bastyǵy, basshynyń orynbasary. 1995 j. – Jezqazǵan oblystyq komitetiniń syrtqy ekonomikalyq bailanys komitetiniń tóraǵasy. 1995-1999 jj. – Qazaqstan Respýblikasy Parlament Senatynyń depýtaty. 1999-2001 jj. – Qazaqstan Respýblikasynyń Parlamentindegi QR Úkimetiniń ókili. 2001-2003 jj. – Qazaqstan Respýblikasy Premer-Ministri Keńsesi basshysynyń orynbasary – Qazaqstan Respýblikasynyń Parlamentindegi QR Úkimetiniń ókili. 2003-2006 jj. – Qazaqstan Respýblikasynyń Kólik jáne kommýnikatsiia vitse-ministri. 2006-2007 jj. – Qazaqstan Respýblikasy Kólik jáne kommýnikatsiia ministrliginiń azamattyq aviatsiia komitetiniń tóraǵasy. 2007-2012 jj. – Qazaqstan Respýblikasy Premer-Ministri Keńsesi basshysynyń orynbasary – Qazaqstan Respýblikasynyń Parlament Májilisindegi QR Úkimetiniń ókili, Qazaqstan Respýblikasy Premer-Ministri Keńsesi basshysynyń orynbasary – Qazaqstan Respýblikasynyń Parlamentindegi QR Úkimetiniń ókili. 2012 jylǵy 2 aqpandaǵy Qazaqstan Respýblikasy Úkimetiniń qaýlysymen Qazaqstan Respýblikasy Premer-Ministri Keńsesiniń basshysy bolyp taǵaiyndaldy. Sońǵy taǵaiyndalýǵa sheiin 2017 jylǵy 14 naýryzynan bastap – Qaraǵandy oblysynyń ákimi qyzmetin atqardy.
«Parasat» (2013), «Qurmet» (2007) ordendarymen jáne mereitoilyq medaldarymen marapattaldy.
