Qazaqstan Prezidenti Qasym-Jomart Toqaev Timýr Súleimenovti jańa qyzmetke taǵaiyndady. Memleket basshysynyń Jarlyǵy Aqorda saitynda jariialandy.
«Timýr Muratuly Súleimenov Qazaqstan Respýblikasy Prezidentiniń Ákimshiligi Basshysynyń orynbasary bolyp taǵaiyndalsyn, ol Qazaqstan Respýblikasy Prezidentiniń kómekshisi qyzmetinen bosatylsyn», delingen qujatta.
Timýr Súleimenov 1978 jyly 5 sáýirde dúniege kelgen. 2000 jyly Pavlodar memlekettik ýniversitetin bitirip, 2002 jyly "Bolashaq" baǵdarlamasymen Merilend ýniversitetinde iskerlik ákimshilendirý magistri mamandyǵy boiynsha bilim alǵan.
Ár jyldary ekonomika jáne biýdjettik josparlaý vitse-ministri, ekonomikalyq damý jáne saýda vitse-ministri, ulttyq ekonomika ministri qyzmetin atqardy. 2019 jyldyń naýryzynda ulttyq bank tóraǵasynyń orynbasary bolyp taǵaiyndalyp, kóp uzamai prezidenttiń kómekshisi boldy.
