QR Premer-Ministriniń orynbasary Roman Skliar sý alǵan aýyl turǵyndarymen kezdesip, olarǵa Memleket Basshysy Qasym-Jomart Toqaevtyń sálemin jetkizdi, dep habarlaidy "Ult aqparat" Túrkistan oblysy ákimdiginiń baspasóz qyzmetine silteme jasap.
"Qazaqstan Prezidenti Maqtaaral aýdanynyń sýdan zardap shekken birde - bir turǵyny kómeksiz qalmaidy, dedi. Sol sebepti, sizderge tek túsiniktik tanytýdy suraimyn. Úkimet tarapynan barlyq qajetti kómek kórsetiledi.Prezident Úkimetke Ózbekstandaǵy sý qoimasy bógetiniń buzylýy saldarynan sý basqan aýyldardyń turǵyndaryna jan-jaqty materialdyq kómek kórsetýdi tapsyrdy", - dedi Premer-ministrdiń orynbasary Roman Skliar.
Oryn alǵan jaitqa bailanysty arnaiy úkimettik komissiia qurylǵany belgili. Ony Premer-Ministrdiń orynbasary Roman Skliar basqarady. Túrkistan oblysynyń ákimi Ómirzaq Shókeev pen quramynda ortalyq jáne jergilikti atqarýshy organdardyń basshylary bar jumys toby Jańa turmys, Jeńis, Firdoýisi, Órgebas, Dostyq aýyldarynyń turǵyndarymen kezdesti. Komissiia kelgen shyǵyndy shuǵyl túrde esepteý boiynsha jumystardy júrgizedi. Eń aldymen turǵyn úiler qalpyna keltiriledi. Sonymen qatar, injenerlik, kólik, áleýmettik infraqurylym qolǵa alynady.
Komissiia arnaiy tehnika ákelgen Ózbekstan memleketiniń ókilderimen de kezdesti. Sý astynda qalǵan aýyldardy tazalaýǵa kórshi elden kómekke kelgen 50-ge jýyq tehnika jumyldyryldy.
