QR Premer-Ministriniń ókimimen Oljas Muhtaruly Smaǵulov QR Premer-Ministriniń Keńsesi basshysynyń orynbasary qyzmetine taǵaiyndaldy, dep habarlaidy "Ult aqparat".
Oljas Smaǵulov Almaty qalasynda dúniege kelgen. Amerikalyq qurlyqaralyq ýniversitetin, Kaliforniia memlekettik politehnikalyq ýniversitetin, Jáńgir han atyndaǵy Batys Qazaqstan agrarlyq-tehnikalyq ýniversitetin, London ekonomika jáne saiasattaný ǵylymdary mektebin támamdaǵan.
Túrli jyldary Atyraý oblysy ákimi apparatynyń bas mamany, Atyraý oblysynyń kásipkerlik jáne indýstrialdy-innovatsiialyq damý basqarmasy basshysynyń orynbasary, QR Premer-Ministri Keńsesiniń áleýmettik-ekonomikalyq bóliminiń bas sarapshysy, Aqtóbe oblysynyń ákimi apparaty basshysynyń orynbasary, Aqtóbe oblysy Ekonomika jáne biýdjettik josparlaý basqarmasynyń basshysy qyzmetterin atqarǵan.
2018 jylǵy shilde aiynan bastap Aqtóbe oblysy ákiminiń orynbasary laýazymyn atqarǵan.
