Búgin Úkimet úiinde QR Premer-Ministri Baqytjan Saǵyntaevtyń tóraǵalyǵymen qazaq tili álipbiin latyn grafikasyna kóshirý jónindegi Ulttyq komissiianyń otyrysy ótti,dep habarlaidy primeminister.kz.
Otyrysta qazaq álipbiin latyn grafikasyna kezeń-kezeńmen kóshirý boiynsha Is-sharalar jospary týraly, Ulttyq komissiia janynan qurylǵan orfografiialyq, ádistemelik, terminologiialyq, tehnikalyq jáne aqparattyq súiemeldeý jónindegi jumys toptarynyń atqarǵan qyzmetiniń nátijeleri, sondai-aq jańa redaktsiiadaǵy álipbi negizinde ereje jobasyn ázirlep, bekitý máseleleri talqylandy.
«Elbasy «Qazaq tili álipbiin kirillitsadan latyn grafikasyna kóshirý týraly» Jarlyqqa ózgeris engizdi. Jańa nusqa kópshiliktiń, qoǵamnyń, til mamandarynyń qoldaýyna ie boldy, sonymen qatar Komissiia músheleriniń pikiri de eskerildi. Endi Elbasy tapsyrmasyna sáikes tilimizdiń mártebesin arttyrý baǵytynda jumystardy jalǵastyrýymyz qajet», — dep atap ótti Baqytjan Saǵyntaev.
Latyn grafikasyna kóshý boiynsha negizgi jumys baǵyttary jóninde mádeniet jáne sport ministri A. Muhamediuly, aqparat jáne kommýnikatsiialar ministri D. Abaev, bilim jáne ǵylym ministri E. Saǵadiev, A. Baitursynuly atyndaǵy Til bilimi institýtynyń direktory E. Qajybek baiandama jasady. Sonymen qatar, «Nur Otan» Partiiasy Tóraǵasynyń birinshi orynbasary M. Áshimbaev, Premer-Ministrdiń orynbasary E. Dosaev, Prezident Ákimshiliginiń Ishki saiasat bóliminiń meńgerýshisi A. Balaeva, «Qazaqstan» Respýblikalyq teleradiokorporatsiiasy» AQ basqarma tóraǵasy E. Qarin jáne basqalar óz pikirlerimen bólisti.
Anyqtama: Ulttyq komissiia Úkimettiń janyndaǵy konsýltativtik-keńesshi organ bolyp tabylady, onyń negizgi maqsaty – qazaq álipbiin latyn grafikasyna kóshirý boiynsha usynystar ázirlep bekitý, jumys barysyn úilestirý jáne onyń sapaly oryndalýyna baqylaý jasaý.
Komissiia quramyna tóraǵanyń orynbasary – QR Premer-Ministriniń orynbasary E. Dosaev, sonymen qatar QR Prezidenti Ákimshiliginiń, «Nur Otan» partiiasynyń ókilderi, QR Parlamentiniń depýtattary, belgili qoǵam qairatkerleri men til salasynyń mamandary kirdi.
Qazaq tili álipbiin 2025 jylǵa deiin latyn grafikasyna kezeń-kezeńimen kóshirý boiynsha is-sharalar josparyna sáikes qazaq álipbiin latyn grafikasyna 2025 jylǵa deiin kezeń-kezeńimen kóshirý kózdelýde.
Birinshi kezeń – 2018-2020 jyldardy qamtidy. Bul kezeńde daiyndyq jumystary jáne normativtik quqyqtyq bazany jetildirý boiynsha is-sharalar júrgiziledi. Latyn grafikasy negizindegi jańa qazaq álipbiinde durys jazý erejeleri, latyn grafikasyna mátindik qaita kodtaýshyǵa arnalǵan konverter baǵdarlamasyn jáne IT-qosymsha ázirlenedi.
Ekinshi kezeń – 2021-2023 jyldar. Bul kezeńde uiymdastyrýshylyq jáne ádistemelik sharalar ótkiziledi. Ortalyqtardyń oqytýshylary men eresek turǵyndardy úiretý úshin filologtar men tilshi lingvist ǵalymdardy tarta otyryp, seminarlar men dárister, kýrstar uiymdastyrý. Qazaqstan Respýblikasy azamatynyń tólqujattary men jeke kýálikterin jáne basqa da qujattardy latyn grafikasy negizindegi memlekettik tilde berýdi qamtamasyz etý.
Úshinshi kezeń – 2024-2025 jyldar. Memlekettik jáne jergilikti memlekettik organdardyń is qaǵazdaryn, sondai-aq memlekettik BAQ-ty jáne memlekettik baspa basylymdardy latyn grafikasyna (kezeń-kezeńmen) kóshirý, sondai-aq bilim berý uiymdarynyń isqaǵazdaryn latyn grafikasyna kezeń-kezeńmen kóshirý uiymdastyrylady.
Sondai-aq til bilimi jáne AT salasyndaǵy sarapshylardy tarta otyryp, orfografiialyq, ádistemelik, terminologiialyq, tehnikalyq jáne aqparattyq súiemeldeý jónindegi jumys toptary quryldy:
Orfografiialyq jumys toby qazaq tiliniń latyn grafikasy negizindegi orfografiia jáne orfoepiia erejelerin daiyndaidy.
Ádistemelik jumys toby oqytý, zertteý jáne ony kezeń-kezeńimen bilim berý júiesine engizýmen ainalysady.
Terminologiialyq jumys toby terminologiialyq qordy júieleýmen ainalysady.
Tehnikalyq jáne aqparattyq súiemeldeý jónindegi jumys toby IT tehnologiia jáne aqparattyq keńistikke beiimdeýmen shuǵyldanady.
