Qazaqstan Respýblikasy Parlamenti Májilisiniń depýtaty N.B.Álimjanovty tirkeý týraly qaýly qabyldady. Bul týraly QR Ortalyq sailaý komissiiasynyń resmi saitynan málim boldy, dep habarlaidy "Ult aqparat".
***
«Qazaqstan Respýblikasyndaǵy sailaý týraly» Qazaqstan Respýblikasynyń 1995 jylǵy 28 qyrkúiektegi Konstitýtsiialyq zańynyń 12, 45, 46-baptaryna, 97-1-babynyń 5, 6-tarmaqtaryna, 98-babyna sáikes jáne «Nur Otan» partiiasy» qoǵamdyq birlestiginiń Saiasi keńesi biýrosynyń 2019 jylǵy 16 tamyzdaǵy № 019PQ qaýlysyna sáikes Qazaqstan Respýblikasy Ortalyq sailaý komissiiasy QAÝLY ETEDI:
1. Qazaqstan Respýblikasy Parlamenti Májilisi depýtatynyń mandaty «Nur Otan» partiiasy» qoǵamdyq birlestiginiń múshesi Nurlan Baianǵaliuly Álimjanovqa berilsin.
2. Nurlan Baianǵaliuly Álimjanov Qazaqstan Respýblikasy Parlamenti Májilisiniń depýtaty bolyp tirkelsin.
3. Nurlan Baianǵaliuly Álimjanovqa belgilengen úlgidegi tiisti kýálik pen omyraýǵa taǵatyn belgi tapsyrylsyn.
Qazaqstan Respýblikasy
Ortalyq sailaý komissiiasynyń
Tóraǵa B. Imashev
Qazaqstan Respýblikasy
Ortalyq sailaý komissiiasynyń
Hatshy. S. Mustafina
Nur-Sultan qalasy,
2019 jylǵy 4 qyrkúiek
№ 49/289
