QR Ortalyq sailaý komissiiasy Qazaqstan Parlamenti Májilisiniń jáne máslihat depýtattarynyń sailaýyna 10 sheteldik baiqaýshyny akkredittedi, dep habarlaidy QazAqparat.
QR OSK múshesi Anastasiia Shegortsovanyń aitýynsha, «QR-daǵy Sailaý týraly» Konstitýtsiialyq zańnyń 20-2-babyna sáikes shet memleketterdiń, halyqaralyq uiymdardyń baiqaýshylaryn akkreditteýdi Ortalyq sailaý komissiiasy Syrtqy ister ministrliginiń usynýy boiynsha júzege asyrady.
«2020 jylǵy 20 qarashada Syrtqy ister ministrliginiń usynýy boiynsha Ortalyq sailaý komissiiasy TMD Parlamentaralyq assambleiasynan 29 baiqaýshyny akkredittedi. 2020 jylǵy 25 jáne 26 qarashada Syrtqy ister ministrliginiń 10 baiqaýshyny akkreditteý týraly usynystary kelip tústi. Olardyń barlyǵy akkreditteýge shyǵarylyp otyr. Usynylǵan tizimde 6 baiqaýshy TMD baiqaýshylary missiiasynyń quramynda, 4 baiqaýshy Islam Yntymaqtastyq Uiymy missiiasynan akkreditteledi», - dedi A.Shegortsova.
Sonymen qatar ol akkreditteýge usynystardyń kelip túsýine qarai baiqaýshylar boiynsha derekter jańartylatynyn aitty.
Osydan keiin QR OSK músheleri barlyq 10 baiqaýshyny akkreditteý týraly qaýlyǵa biraýyzdan qoldap daýys berdi.
