QR Qorǵanys ministrligi Qyrǵyz taýlarynda joǵalǵan alpinister Murat Ótepbaev, Andrei Korneev, Aleksandr Chechýlindi qutqarý operatsiiasyn bastady. Bul týraly "Ult aqparat" ministrliktiń baspasóz qyzmetine silteme jasap habarlaidy.
Minstrliktiń baspasóz qyzmeti taratqan aqparatqa qaraǵanda, alpinisterdiń biri qaza bolýy múmkin. Qutqarýshylar tobyna áigili alpinist Maqsut Jumaev jetekshilik etýde. Top quramynda aǵa leitenant Vasilii Pivtsov pen maior Amanjol Rahmetov bar.
Áskeri qyzmetshiler táýlik boiy tolyq jaýyngerlik ázirlikte boldy jáne ushýǵa ruqsat kútip otyrdy. QR Tótenshe jaǵdailar komitet usynǵan tikushaq kómegimen 4400 metr biikke kóterilip, alpinisterdiń bazalyq lagerinde izdestirý jumystaryn bastaidy.
«Aýa raiynyń kúrt nasharlaýyna izdeý jumystaryn qiyndatýda. Sondyqtan áskeriler teplovizor quralyn paidalanbaqshy. Mundai biiktikte jumys isteý úshin jerdiń syryn biletin qutqarýshylardy jiberý óte mańyzdy boldy. Qutqarý operatsiiasyna qatysýshylar jaqynda Reseidiń joǵarǵy shyńynda ótken alpinizm boiynsha «Elbrýs sheńberi 2019» halyqaralyq jarysynan kelgen bolatyn», - delingen baspasóz qyzmetiniń málimetinde.
Eske salsaq, almatylyq alpinister toby Qyrǵyz taýlarynda joǵalǵan bolatyn. Almaty qalasynyń ákimi Baqytjan Saǵyntaev taýda qazaqstandyq alpinister tobynyń joǵalyp ketýine qatysty Instagram paraqshasynda alańdaýshylyq bildirdi. Keiinirek joǵalǵan alpinisterdiń biriniń qyzy áleýmettik jeli arqyly qalyń kópshilikten kómek surady.
