Búgin QR Kásipodaqtar federatsiiasy Atqarý komitetiniń otyrysy ótti. Onda federatsiia tóraǵasynyń birinshi orynbasary men orynbasary laýazymdaryna jańa úmitkerlerdiń kandidatýrasy qaraldy, dep habarlaidy "Ult aqparat".
Federatsiia baspasóz qyzmetiniń málimetinshe, tóraǵanyń birinshi orynbasary bolyp Nurmuhambet Ábdibekov biraýyzdan sailandy.
Nurmuhambet Qanapiuly – mamandyǵy boiynsha taý-ken injeneri, óndiristegi kásipodaqtardyń jumysymen etene tanys. Ár jyldary Aqtóbe, Atyraý kásiporyndarynda jáne memlekettik organdarda qyzmet atqarǵan, QR Indýstriia jáne jańa tehnologiialar vitse-ministri, Aqtóbe qalasynyń ákimi, Aqtóbe oblysy ákiminiń birinshi orynbasary, Qaraǵandy oblysynyń ákimi, Esep komitetiniń tóraǵasy, «Qazaqstan injiniring» Ulttyq kompaniiasy» AQ Basqarma tóraǵasy bolǵan.
Al tóraǵanyń orynbasary bolyp Erjan Egemberdiev sailandy. QR KF Quqyqtyq qamtamasyz etý jáne halyqaralyq áriptestik departamentiniń direktory laýazymyn atqarǵan.
Erjan Oshaqbaiuly – zań ǵylymdarynyń kandidaty. Ár jyldary Joǵarǵy sot janyndaǵy Sot tóreligi akademiiasynda, QR Prezidenti janyndaǵy Memlekettik basqarý akademiiasynda, L.N.Gýmilev atyndaǵy Eýraziia ulttyq ýniversitetinde jáne QR Ádilet ministrliginde qyzmet atqarǵan.
