QR Kásipodaqtar Federatsiiasynyń Atyraýdaǵy meditsina qyzmetkerleriniń jaǵdaiyna bailanysty resmi málimdeme jasady, dep habarlaidy QazAqparat Qazaqstan Respýblikasynyń Kásipodaqtar federatsiiasyna silteme jasap.
«Qazaqstan Respýblikasynyń Kásipodaqtar Federatsiiasy Atyraýdaǵy perinataldyq ortalyqta nárestesinen airylǵan otbasyna taǵy da qaiǵyryp kóńil aitady. Bul fakt qoǵamda úlken rezonans týdyrdy. Qazir aiyptylar qamaýǵa alynyp, tergeý júrgizilip jatyr. Arnaiy memlekettik komissiia jumys isteýde. Bul iste sońǵy núkteni tek sot qana qoia alady», - delingen habarlamada.
Osy jaǵdaiǵa bailanysty qoǵam synyna meditsina salasynyń barlyq qyzmetkerleri ilikti. Bul oqiǵa týraly aqparat BAQ arqyly taralyp, qoǵamdy dúrliktirdi. Densaýlyq saqtaý basqarmasynyń basshylyǵy, meditsinalyq mekemeniń 31 qyzmetkeri óz erikterimen jumystan ketý týraly aryz jazýǵa jáne el Prezidenti Qasym-Jomart Toqaevqa úndeý joldaýǵa májbúr boldy.
Memleket basshysy Qazaqstan Halqyna Joldaýynda tolyq kólemde saqtalýy mindetti kinásizdik prezýmptsiiasy týraly óz pikirin bildirip, azamattardyń konstitýtsiialyq quqyǵyn qorǵaý máselesi airyqsha baqylaýǵa alyný mańyzdylyǵyn atap ótken bolatyn.
Qazaqstan Respýblikasynyń Kásipodaqtar Federatsiiasy Atyraýdaǵy jaǵdaidy birinshi kúnnen bastap baqylaýda ustap otyr jáne óz missiiasyna sáikes Densaýlyq saqtaý ministrliginiń basshylyǵy men basqa da atqarýshy organdarǵa densaýlyq saqtaý salasy qyzmetkerleriniń quqyǵyn buzatyn sharalardy qabyldaýdan bas tartýǵa shaqyrady.
Federatsiia bul azamattardyń quqyǵy men múddesin qorǵaýdy odan ári jalǵastyrady. Mundai mindet federatsiianyń aýmaqtyq bólimi men memlekettik qyzmetkerlerdiń salalyq kásipodaǵynyń aldyna da qoiylyp otyr.
«Qazaqstan Respýblikasynyń Kásipodaqtar Federatsiiasy memlekettik jáne atqarýshy organdardyń tarapynan aldyn-ala jasalǵan aiyptaý mánindegi málimdemeler orynsyz ekenin jáne jumysshylardyń, memlekettik, azamattyq qyzmetkerlerdiń konstitýtsiialyq quqyǵynyń qorǵalýyna kúmán keltiretinin atap ótedi.
Qazaqstan Respýblikasynyń Kásipodaqtar Federatsiiasy barlyq azamattyq qoǵam men memlekettik basqarý institýttaryn áleýmettik shielenis pen ýákiletti organǵa BAQ arqyly da qysym jasaýǵa alyp keletin is-qimyl úshin jaýapkershilikke tartylýy múmkin ekendigin este saqtaýǵa shaqyrady», - delingen málimdemede.
