QR Qarýly Kúshterindegi ásker tótenshe jaǵdailardy joiýǵa tartylmaq. Bul týraly QR TJM resmi ókili Talǵat Ýáli habarlady.
Qazaqstan Respýblikasy Qorǵanys ministrliginde Tótenshe jaǵdailar ministri general-maior Iýrii Ilin men Qorǵanys ministri general-leitenant Nurlan Ermekbaevtyń kezdesýi ótti.
TJM jáne Qorǵanys ministrliginiń basshylary Tótenshe jaǵdaidy aldyn alý jáne joiý boiynsha yntymaqtastyq máselelerin talqylady.
Kezdesý barysynda TJ joiýǵa bailanysty mindetterdi jedel sheshý úshin tabiǵi jáne tehnogendik sipattaǵy TJ qaýpi jáne onyń týyndaýy kezinde Qazaqstan Respýblikasynyń Qarýly Kúshterin qoldaný algoritmin ázirleý týraly másele qaraldy.
Qazaqstan Respýblikasynyń Tuńǵysh Prezidenti-Elbasy atyndaǵy Ulttyq qorǵanys ýniversitetinde daǵdarys jaǵdailarynda jedel áreket etý jáne basqarý taktikasy boiynsha tolyq bilim alý úshin TJM basqarý organdarynyń basshy jáne ǵylymi – pedagogikalyq quramyn oqytý máseleleri talqylandy. Ulttyq qorǵanys ýniversiteti bazasynda «Azamattyq qorǵaý» kafedrasyn qurý máselesi talqylandy. Onyń qyzmetine TJM mamandary tartylatyn bolady.
Qorǵanys ministrliginiń joǵary oqý oryndarynda radiatsiialyq, himiialyq jáne biologiialyq qorǵaý, sondai – aq bailanysty uiymdastyrý mamandyǵy boiynsha qutqarýshylardy daiarlaý jáne olardyń biliktiligin arttyrý josparda bar.
Óz kezeginde TJM Qarýly Kúshterdiń órtke qarsy qyzmeti áskeri qyzmetshilerin TJM Kókshetaý tehnikalyq institýtynda kýrstyq daiarlyqtan ótkizýdi qamtamasyz etýdi josparlap otyr.
