QR Indýstriia jáne infraqurylymdyq damý ministrliginde qaǵaz kúiinde kórsetiletin memlekettik qyzmetter sany 2,5 esege qysqardy.
Bul týraly ministrliktiń alqa otyrysynda QR Indýstriia jáne infraqurylymdyq damý vitse-ministri Dinara Sheglova málim etti, dep habarlaidy QazAqparat.
2020 jyly ministrlik 271 506 memlekettik qyzmet kórsetti. Onyń ishinde 264 886-sy elektrondyq túrde nemese 97,5% kórsetildi. 2019 jylmen salystyrǵanda qaǵaz túrindegi qyzmetter sany 2,5 esege, atap aitqanda 16 myńnan 6 myńǵa deiin qysqardy.
Qazindustry portalynda iske qosylǵan 11 memlekettik qyzmetti avtomattandyrý boiynsha tehnikalyq jumystar (azamattyq aviatsiia, qurylys jáne turǵyn úi-kommýnaldyq sharýashylyǵy, kólik, jer qoinaýyn paidalaný, indýstriialyq damý salalarynda), sondai-aq 5 memlekettik qoldaý sharasy aiaqtaldy.
Nátijesinde ministrlik memlekettik qyzmetterdiń 96% (116-dan 112) elektrondyq túrde kórsetedi.
