QR Ishki ister ministri Erlan Turǵymbaev IIM basshylyq quramyna Tergeý departamentiniń jańa basshysyn tanystyrdy, – dep habarlaidy vedomstvonyń baspasóz qyzmeti.
Prezident Ákimshiligimen kelisim boiynsha Ishki ister ministrligi Tergeý departamentiniń bastyǵy qyzmetine politsiia polkovnigi Sanjar Áskenuly Ádilov taǵaiyndaldy.
Sanjar Áskenuly Ádilov 1977 jyly týǵan. Ishki ister organdarynda 1999 jyldan beri jumys isteidi. Basshylyq qyzmetterde jumys tájiribesi mol.
Túrli jyldary ol ishki ister organdarynyń tergeý bólimderinde (ishki ister jáne qarjy politsiiasy), IIM tergeý basqarmasynda jumys istedi. 2013 jyldan bastap Nur-Sultan jáne Almaty qalalarynyń politsiia bólimderi bastyqtarynyń orynbasary qyzmetin atqardy.
Ministr ministrliktiń ortalyq apparaty qyzmetiniń basshylaryna el Prezidentiniń qylmysqa qarsy turý, azamattardyń tynyshtyǵy men qaýipsizdigin qamtamasyz etý boiynsha alǵa qoiǵan mindetteri týraly eskertti.
«Tergeý bólimsheleri qylmystyń tez jáne tolyq ashylýyn, tergelýin, azamattardyń konstitýtsiialyq quqyqtarynyń saqtalýyn qamtamasyz etýi tiis» dedi ministr Erlan Turǵymbaev.
