Ishki ister ministrligi qazaqstandyq sportshy Qýat Hamitovtyń atyshýly beinejazbasyna pikir bildirdi, dep habarlaidy "Ult aqparat".
«Men sportshy Qýat Hamitovtyń videosyna pikir bildirgim keledi. Ol áleýmettik jelidegi paraqshasynda zorlyq-zombylyqqa shaqyratyn úndeý jariialaǵan. Bul zańdy óreskel buzý jáne qylmys bolyp sanalady. Ishki ister ministrligi azamattardy jalǵan aqparat taratpaýǵa, memlekettik organdardyń resmi derekterine ǵana senýge shaqyrady. Zań buzylǵan jaǵdaida ákimshilik jáne qylmystyq jaýapkershilik qarastyrylatynyn este saqtaǵan jón», - dedi QR IIM resmi ókili Nurdildá Oraz onlain brifingte.
Buǵan deiin sportshy Qýat Hamitovtyń Almaty qalalyq Politsiia departamentine jetkizilgeni habarlanǵan edi.
Áleýmettik jelige monitoring júrgizý barysynda azamat Q.Hamitovtyń zorlyq-zombylyqqa shaqyrǵan videosy anyqtaldy. Atalǵan derek QR QK-niń 272-baby 3-bóligi boiynsha sotqa deiingi tergep-tekserýdiń biryńǵai tiziliminde tirkelgen.
