Avstriia delegatsiiasy qazaqstandyq bizneske Avstriia aýmaǵynda óndirilgen kez kelgen qajetti tehnologiiany tabýǵa múmkindik beretin TECXPORT jobasyn tanystyrdy, dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
QR Indýstriia jáne infraqurylymdyq damý vitse-ministri Rýslan Baimishev Avstriianyń Tsifrlandyrý jáne ekonomika federaldy ministrliginiń Ekonomika, innovatsiialar jáne halyqaralyq yntymaqtastyq departamentiniń basshysy, Qazaqstan-Avstriia úkimetaralyq komissiiasynyń teń tóraǵasy Florian Fraýshermen kezdesti.
Taraptar kólik salasyndaǵy yntymaqtastyqtyń, aeronavigatsiialyq aqparatty basqarýdyń birlesken jobalaryn, sondai-aq radiotehnikalyq jabdyqty jetkizý perspektivalaryn talqylady.
Avstriia delegatsiiasy qazaqstandyq bizneske Avstriia aýmaǵynda óndirilgen kez kelgen qajetti tehnologiiany tabýǵa múmkindik beretin TECXPORT jobasyn tanystyrdy.
Kezdesýge qatysýshylar Qazaqstan men Avstriia arasyndaǵy ekijaqty qarym-qatynasty damytýdyń mańyzdylyǵyn atap ótti.
Florian Fraýsher Qazaqstannyń Avstriia úshin Ortalyq Aziiadaǵy mańyzdy áriptes ekenin jáne ózara qarym-qatynasty tereńdetýdiń mańyzdylyǵyn atap ótti.
Vitse-ministr Rýslan Baimishev óz kezeginde Avstriia Qazaqstannyń Eýropa Odaǵy elderindegi strategiialyq mańyzdy saýda-ekonomikalyq áriptesi ekenine toqtaldy.
Kezdesýge QR IIDM qurylymdyq bólimsheleriniń, «Qazaeronavigatsiia» RMK ókilderi jáne Avstriianyń Qazaqstandaǵy Tótenshe jáne Ókiletti Elshisi Villi Kempel qatysty.
