QR Úkimetiniń qaýlysymen Erlan Muratuly Áýkenov Qazaqstan Respýblikasynyń eńbek jáne halyqty áleýmettik qorǵaý vitse-ministri qyzmetine taǵaiyndaldy. Buǵan deiin atalǵan laýazymdy atqarǵan S. Jaqypova bergen ótinishine sáikes, óz qalaýy boiynsha qyzmetinen bosatyldy.
Erlan Áýkenov 1984 jyly 5 qyrkúiekte Almaty qalasynda týǵan. Ál-Farabi atyndaǵy Qazaq ulttyq ýniversitetin, «Bolashaq» baǵdarlamasy boiynsha Bredford ýniversitetin, Halyqaralyq biznes akademiiasyn, London ekonomika jáne saiasi ǵylymdar mektebin támamdaǵan.
Túrli jyldary QR Bilim jáne ǵylym ministrliginde, «XXI ǵasyr kóshbasshysy» jastar ortalyǵy» RQB, «Qazaqstan jastarynyń kongresi» ZTB, «Samǵaý» ulttyq ǵylymi-tehnologiialyq holdingi» AQ eńbek etken.
2010-2011 jyldary — Shyǵys Qazaqstan oblysy ákiminiń apparaty basshysynyń orynbasary.
2011-2014 jyldary — QR Prezidenti Ákimshiliginiń memlekettik inspektory.
2014-2015 jyldary — Soltústik Qazaqstan oblysy ákiminiń orynbasary.
2015-2019 jyldary Almaty qalasy ákiminiń orynbasary laýazymyn atqardy, áleýmettik ál-aýqat máselesi boiynsha jetekshilik etken.
