Qazaqstan Respýblikasynyń Mońǵoliiadaǵy Elshisi Jalǵas Ádilbaevty senim gramotalaryn tabystaý úshin Mońǵoliianyń Prezidenti Haltmaagiin Battýlga qabyldady, dep habarlaidy "Ult aqparat".
«Kezdesý barysynda Mońǵoliianyń Basshysy qazaq-mońǵol elderi arasynda qalyptasqan dostyq qarym-qatynastar men ózara senim ahýalyn, sondai-aq óńirlik jáne jahandyq kún tártibindegi negizgi máseleler boiynsha eki memlekettiń yntymaqtastyǵyn atap ótti», - delingen QR elshiligi taratqan habarlamada.
Budan bólek, saýda-ekonomikalyq yntymaqtastyq, kóliktik-logistikalyq, aýyl sharýashylyǵy jáne mádeni-gýmanitarlyq salalardaǵy ekijaqty yntymaqtastyqtyń ózekti máseleleri, sondai-aq asa joǵary jáne joǵary deńgeidegi bolashaqtaǵy ózara saparlar talqylandy.
Kezdesý sońynda H.Battýlga Elshige Qazaqstan-Mońǵoliia yntymaqtastyǵyn nyǵaitý úshin tabysty jumys jáne jemisti eńbek tiledi.
