Liýdmila Buirabekova QR DSM Taýarlar men qyzmetter qaýipsizdigi jáne sapasyn baqylaý komitetiniń tóraiymy bolyp taǵaiyndaldy, dep habarlaidy "Ult aqparat" QR Premer-ministriniń baspasóz qyzmetine silteme jasap.
Liýdmila Buirabekova 1973 jyly Qaraǵandy oblysynda dúniege kelgen. 2000 jyly Qaraǵandy memlekettik meditsina akademiiasyn, 2004 jyly Qazaq farmatsevtika institýtyn, 2014 jyly Halyqaralyq biznes akademiiasyn támamdaǵan. Mamandyǵy boiynsha - dáriger, provizor, iskerlik ákimshiliktendirý magistri.
Eńbek jolyn 1997 jyly Qaraǵandy memlekettik meditsina akademiiasynda bastaǵan.
2004-2005 jyldary H. J. Maqajanov atyndaǵy kópbeiindi klinikalyq aýrýhanasynda dáriger-klinikalyq dári-dármek mamany retinde qyzmet atqarǵan.
2005-2010 jyldary memlekettik organdarda túrli laýazmdardy atqarǵan. 2011-2014 jyldary Respýblikalyq ońaltý ortalyǵynda, Ulttyq meditsina holdinginde, Meditsinalyq tehnologiialar jáne aqparattyq júieler ortalyǵynda jumys istegen.
2014-2015 jyldary QR Prezidenti Is basqarmasynda bas inspektor retinde eńbek etken.
2015 jyldan 2017 jyl aralyǵynda QR Prezidenti Is basqarmasynyń Meditsina ortalyǵy basshysynyń orynbasary laýazymyn atqarǵan.
2017 jylǵy tamyzdan 2019 jyldyń mamyryna deiin QR Densaýlyq saqtaý ministrliginiń Farmatsiia komitetiniń tóraiymy qyzmetin atqardy.
