QR Densaýlyq saqtaý ministrligi COVID-19 aýrýynyń klinikalyq belgileri joq virýs tasymaldaýshylar boiynsha statistikany jariialai bastaidy. Bul týraly ministrlik Telegram paraqshasynda jariialady.
«Buǵan deiin de Densaýlyq saqtaý ministrligi kún saiyn koronavirýs infektsiiasyn juqtyrǵan adamdar boiynsha statistika júrgizip keldi. Atalǵan statistikada COVID-19 virýsyn juqtyrǵan — aýrý belgileri bar jáne klinikalyq belgileri joq adamdar esepke alyndy. Búginnen bastap barlyq resmi derek kózderinde koronavirýs infektsiiasy boiynsha aýrý belgileri bar jáne klinikalyq belgileri joq virýs tasymaldaýshylar boiynsha statistika jeke-jeke jariialanady», - delingen habarlamada.
Sonymen qatar onda mundai tásildiń halyqaralyq tájiribede jáne kóp elderde qoldanylyp keletini aitylǵan. Bulai bólýdiń maqsaty — simptomatikalyq emdeýdi qajet etetin naýqastardyń sany boiynsha jaǵdaidy kórsetý.
«COVID-19 aýrýynyń klinikalyq belgileri joq adamdar ainalasyndaǵylarǵa eleýli epidemiologiialyq qaýip tóndiredi. Búgingi tańda Qazaqstanda testileý kezinde kún saiyn anyqtalyp jatqan jaǵdailardyń 60%-ǵa jýyǵy — bul infektsiiany simptomsyz tasymaldaýshylar ekenin atap ótken jón. Elimizde koronavirýs infektsiiasynyń taralýynyń aldyn alý maqsatynda COVID-19 aýrýynyń klinikalyq belgileri joq tasymaldaýshylardy baqylaý jalǵasa bermek», - dep jazdy minstrlik.
