Meditsinalyq uiymdar qazaqstandyqtar úshin 2019 jyly tegin meditsinalyq qyzmetterdi kórsetýge qajet bolatyn dári-dármekterdi alýǵa ótinish bildire bastady, dep habarlaidy QR Densaýlyq saqtaý ministrliginiń baspasóz qyzmeti.
QR Densaýlyq saqtaý ministrligi Farmatsiia komitetiniń tóraiymy Liýdmila Biýrabekovanyń aitýynsha,tegin dári-dármek úshin satyp alynatyn dáriler men meditsinalyq buiymdardyń tizimi 1144 joldan turady. Oǵan dárilerdiń 829 ataýy men 315 meditsinalyq buiym kirgen.
«Biyl 45 aýrý boiynsha dispanserlik esepte turǵan naýqastardy emhanada emdeý úshin dári-dármekterdiń 550-den astam ataýy bekitildi. Ótken jyly dál osyndai maqsatta 482 ataýmen dári-dármekter satyp alynǵan», - dedi Liýdmila Biýrabekova.
«SK-Farmatsiia» JShS basqarmasy tóraǵasynyń mindetin atqarýshy Berik Shárip satyp alý protsedýrasy barlyq preparattar biryńǵai distribiýtordyń qoimasyna ústimizdegi jyldyń sońyna deiin túsý úshin qajet ekenin aitady.
«Tenderlik protsedýralar eki aidai ýaqytty alady. Tenderdiń nátijeleri boiynsha kelisim sharttar jasalyp, dári-dármekter qoimalarymyzǵa jyldyń aiaǵynda túsetin bolady», - dedi B. Shárip.
Biryńǵai distribiýterdiń aitýynsha, preparattardy alýǵa jiberilgen ótinishter birden bekitilmeidi. Aýrýhanalar men emhanalar «SK-Farmatsiiamen» kelisim jasaý kezinde ótinishterge taǵy bir márte túzetýler engize alady.
«SK-Farmatsiia» JShS basshysy biylǵy jyly dári-dármek pen meditsinalyq baǵyttaǵy buiymdardy satyp alý alǵash ret elektrondyq formatta júrgiziletinin aitty.
