مەديتسينالىق ۇيىمدار قازاقستاندىقتار ٷشٸن 2019 جىلى تەگٸن مەديتسينالىق قىزمەتتەردٸ كٶرسەتۋگە قاجەت بولاتىن دەرٸ-دەرمەكتەردٸ الۋعا ٶتٸنٸش بٸلدٸرە باستادى, دەپ حابارلايدى قر دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ.
قر دەنساۋلىق ساقتاۋ مينيسترلٸگٸ فارماتسييا كوميتەتٸنٸڭ تٶرايىمى ليۋدميلا بيۋرابەكوۆانىڭ ايتۋىنشا,تەگٸن دەرٸ-دەرمەك ٷشٸن ساتىپ الىناتىن دەرٸلەر مەن مەديتسينالىق بۇيىمداردىڭ تٸزٸمٸ 1144 جولدان تۇرادى. وعان دەرٸلەردٸڭ 829 اتاۋى مەن 315 مەديتسينالىق بۇيىم كٸرگەن.
«بيىل 45 اۋرۋ بويىنشا ديسپانسەرلٸك ەسەپتە تۇرعان ناۋقاستاردى ەمحانادا ەمدەۋ ٷشٸن دەرٸ-دەرمەكتەردٸڭ 550-دەن استام اتاۋى بەكٸتٸلدٸ. ٶتكەن جىلى دەل وسىنداي ماقساتتا 482 اتاۋمەن دەرٸ-دەرمەكتەر ساتىپ الىنعان», - دەدٸ ليۋدميلا بيۋرابەكوۆا.
«سك-فارماتسييا» جشس باسقارماسى تٶراعاسىنىڭ مٸندەتٸن اتقارۋشى بەرٸك شەرٸپ ساتىپ الۋ پروتسەدۋراسى بارلىق پرەپاراتتار بٸرىڭعاي ديستريبيۋتوردىڭ قويماسىنا ٷستٸمٸزدەگٸ جىلدىڭ سوڭىنا دەيٸن تٷسۋ ٷشٸن قاجەت ەكەنٸن ايتادى.
«تەندەرلٸك پروتسەدۋرالار ەكٸ ايداي ۋاقىتتى الادى. تەندەردٸڭ نەتيجەلەرٸ بويىنشا كەلٸسٸم شارتتار جاسالىپ, دەرٸ-دەرمەكتەر قويمالارىمىزعا جىلدىڭ اياعىندا تٷسەتٸن بولادى», - دەدٸ ب. شەرٸپ.
بٸرىڭعاي ديستريبيۋتەردٸڭ ايتۋىنشا, پرەپاراتتاردى الۋعا جٸبەرٸلگەن ٶتٸنٸشتەر بٸردەن بەكٸتٸلمەيدٸ. اۋرۋحانالار مەن ەمحانالار «سك-فارماتسييامەن» كەلٸسٸم جاساۋ كەزٸندە ٶتٸنٸشتەرگە تاعى بٸر مەرتە تٷزەتۋلەر ەنگٸزە الادى.
«سك-فارماتسييا» جشس باسشىسى بيىلعى جىلى دەرٸ-دەرمەك پەن مەديتسينالىق باعىتتاعى بۇيىمداردى ساتىپ الۋ العاش رەت ەلەكتروندىق فورماتتا جٷرگٸزٸلەتٸنٸن ايتتى.
