QR densaýlyq saqtaý ministriniń buiryǵymen Batyrbek Sultanuly Ábdildin Qazaqstan Respýblikasy Densaýlyq saqtaý ministrligi apparatynyń basshysy laýazymyna taǵaiyndaldy. Bul týraly QR Premer-Ministriniń baspasóz qyzmeti habarlaidy.
Batyrbek Ábdildin 1982 jyly Qostanai oblysynda dúniege kelgen. A. Baitursynov atyndaǵy Qostanai memlekettik ýniversitetin, Ortalyq Aziia ýniversitetin, Singapýr ýniversitetin támamdaǵan.
Eńbek jolyn 2001 jyly Qazaqstandaǵy sheteldik kommertsiialyq uiymnyń ókili retinde bastaǵan.
2002-2005 jyldary — QR Indýstriia jáne saýda ministrliginiń «Qurylys konsalting» AQ mamany; memlekettik satyp alý bóliminiń basshysy; direktorynyń orynbasary. 2005-2009 jyldary jeke uiymdarda basshylyq qyzmetterdi atqardy.
2009-2011 jyldary — «Zamanaýi meditsinalyq tehnologiialardy engizý ortalyǵy» RMK memlekettik satyp alý jáne materialdyq qamtamasyz etý bóliminiń basshysy; direktorynyń orynbasary.
2011-2015 jyldary — «Astana qalasy ákimdiginiń №1 qalalyq aýrýhanasy» MKK bas dárigeriniń orynbasary.
2015-2020 jyldary jeke sektorda eńbek etken. 2018-2019 jyldary — Qazaqstannyń meditsinalyq týrizm qaýymdastyǵynyń atqarýshy direktory. 2020 jylǵy qyrkúiekten bastap qazirgi ýaqytqa deiin — QR Densaýlyq saqtaý ministrligi Jobalyq keńsesiniń basshysy.
