QR Densaýlyq saqtaý ministrligi 2019 jyldyń I jartyjyldyǵyn qorytyndylady jáne jyldyń sońyna deiingi josparlardy naqtylady, dep habarlaidy "Ult aqparat".
Búgin, iaǵni 29 shildede QR Densaýlyq saqtaý ministrliginde 2019 jyldyń 1-jartyjyldyǵynyń qorytyndysy men jyl sońyna deiingi jorsparlar boiynsha alqa otyrysy ótti. QR Densaýlyq saqtaý ministri Eljan Birtanov Memleket basshysynyń densaýlyq saqtaý júiesine qatysty tapsyrmalaryna erekshe nazar aýdardy. Basty mindet - halyqqa sapaly meditsinalyq qyzmet kórsetý jáne dárigerlerdiń mártebesin kóterý.
Otyrystyń kún tártibine sáikes jiynda birqatar mańyzdy máseleler qaraldy.
Respýblikalyq densaýlyq saqtaýdy damytý ortalyǵynyń bas direktory Ainur Aiyphanova memlekettik "Densaýlyq" baǵdarlamasynyń júzege asyrylýy jaily baiandama jasady (2019 jyldyń I jartyjyldyǵynda).
Ainur Aiyphanovanyń aitýynsha, 2019 jylǵa memlekettik baǵdarlamanyń 7 basym baǵyty boiynsha 94 is-shara josparlanǵan. RDSDO monitoringine sáikes, biyl 6 aida 21 shara oryndaldy, 62-si oryndalýda, al 11-i júzege aspai qalýy múmkin.
"Birinshi mindet boiynsha 14 kórsetkish boiynsha monitoring júrgizilýde. Ótken jylǵy jasóspirimder arasyndaǵy sýitsid deńgeii alańdatady: 5 aida 15-17 jastaǵy jasóspirimder arasynda 43 sýitsid tirkeldi", - dedi ortalyq direktory.
Sondai-aq, 2019 jyldyń I jartyjyldyǵynda ana ólimin tómendetý boiynsha jedel josparlar, bala jáne sábi ólimin azaitý jospary bekitildi jáne iske asyrylýda, kólik meditsinasyn damytý sharalary qabyldandy: 4 mln-nan astam adamǵa jedel meditsinalyq kómek kórsetildi. Osy ýaqyt aralyǵynda sanaviatsiia ushaǵy 1 285 ret kókke kóterilip, 1 550 patsientke kómek kórsetildi, "Meditsinalyq poiyz" jobasy 7 myńnan astam adamdy qamtydy, onyń 1 465-i bala.
"Ambýlatoriialyq-emhanalyq kómekti qoljetimdi etý úshin is-sharalar júrgizilýde: MSAK boiynsha jospar jáne MSAK deńgeiinde dinamikalyq baqylaýǵa jatatyn 25 nozologiia tizimi bekitildi, JTD-nyń 569 jańa aýmaqtyq ýchaskesi quryldy" - dedi Aiyphanova.
Jarty jyldyqtyń qorytyndysy boiynsha jospardan qalys qalǵan aimaqtar bar. Mańǵystaý jáne Qostanai oblystary - 8 kórsetkishti, Shymkent qalasy men Atyraý oblysy - 7 kórsetkishti oryndamaǵan.
Sonymen qatar, QR Densaýlyq saqtaý vitse-ministri Lázzat Aqtaeva birneshe jospardyń iske asyrylǵanyn habarlady: QR-da 2019-2020 jyldarǵa arnalǵan MSAK damytý boiynsha is-sharalar jospary, ana ólimin azaitý boiynsha 2019 jylǵa arnalǵan jedel jospar, bala jáne sábi ólimin azaitý boiynsha 2019-2021 jylǵa arnalǵan is-sharalar jospary. Aqtaeva MSAK-tiń negizgi problemalaryn atap ótti. MSAK mamandarynyń júktemesi aýyr, kadr tapshy, dárigerlerdiń biliktiligi jetkiliksiz, kórsetiletin qyzmetter sapasy tómen jáne sonyń saldarynan halyqtyń MSAK qyzmetterine kóńili tolmaidy.
Sonymen qatar, osy kezeńde MSAK dárigeriniń júktemesin tómendetý jáne kadr tapshylyǵyn joiý, MSAK mamandarynyń jalaqysyn 30% arttyrý, MSAK uiymdarynda meditsinalyq aqparattyq júielerdi engizý boiynsha jumystar atqaryldy.
"Jospardaǵy 1 734 jańa ýchaskeniń 991-i ashyldy, bir JPD ýchaskege tirkelgen halyq sany 1 926 adamnan 1 691-ge deiin tómendedi. Sonymen qatar, 1 jalpy praktika dárigeriniń júktemesi 1 989 adamnan 1 932-ge deiin azaidy, MSAK uiymdarynda meditsinalyq aqparattyq júielerdi qamtý 58%-dan 65%-ǵa deiin ósti, naýqastardy ABB qamtý 26% jetti, 2018 jyly 14,1% edi. Aýrýlardy basqarý baǵdarlamasy boiynsha oqytylǵan MSAK mamandarynyń sany 9 esege ósti, MSAK uiymdaryn kompiýtermen jabdyqtaý 82,6-dan 91,2% - ǵa deiin ósti", - dedi Aqtaeva.
Sonymen qatar, vitse-ministr júkti, bosanǵan áielderge jáne bosanatyn áielderge meditsinalyq kómektiń sapasy tómen, al ana ólimi joǵary óńirlerdi atady. Almaty - 4 jaǵdai, Qaraǵandy - 3 jaǵdai, ShQO - 2 jaǵdai tirkelgen.
QR Densaýlyq saqtaý vitse-ministri Oljas Ábishev óńirlerde densaýlyq saqtaý salasynyń qyzmetkerlerin mamanmen qamtamasyz etý jáne áleýmettik qoldaý sharalary, sonymen qatar, densaýlyq saqtaý salasyn tsifrlandyrý týraly eki baiandama jasady.
QR Densaýlyq saqtaý vitse-ministri Kamaljan Nadyrov densaýlyq saqtaý salasyndaǵy investitsiialar, 2018 jyly satyp alynǵan dárilik zattar jáne 2019 jylǵa josparlanǵan satyp alý, 2018-2022 jyldarǵa arnalǵan onkologiialyq aýrýlarmen kúres jónindegi keshendi jospardy iske asyrý jaily jáne t. b. máselelerdi kóterdi.
Qazir elimizde 8 160 memlekettik densaýlyq saqtaý nysany meditsinalyq qyzmet kórsetedi. Onyń ishinde 640-y aýrýhana (0,8%) jáne 7 520 ambýlatoriialyq-emhana(92%). Ǵimarattardyń sany 10 myńnan asady, olardyń 56% astamy ortasha tozǵan, Densaýlyq saqtaý uiymdarynyń balansynda 455 myń meditsinalyq tehnika bar. Elimiz boiynsha orta eseppen medtehnikamen jaraqtandyrý deńgeii 73%, jabdyqtyń tozýy 50% astady. Densaýlyq saqtaý ministrligi óńirlerdegi ákimdiktermen birlesip densaýlyq saqtaý infraqurylymyn damytýdyń perspektivaly josparlaryn iske asyrýǵa kiristi.
Osy turǵyda biyl 2 negizgi mindet belgilengen: Densaýlyq saqtaý uiymdary jelisiniń konfigýratsiiasyn ózgertý; investitsiialyq jospardy tiimdi iske asyrý.
Konfigýratsiiany ózgertý boiynsha 94 monoprofildi aýrýhanany 53 kóp beiindi klasterge qosý josparlanǵan.
Sonymen qatar, 2026 jylǵa deiin 1 876 densaýlyq saqtaý obektisiniń materialdyq-tehnikalyq bazasyn jaqsartýǵa 1,5 trln.teńge investitsiia qajet. 1,1 trln. teńge 643 nysannyń qurylysyna jumsalady. 122 mlrd teńge 1 233 nysan kúrdeli jóndeýden ótedi jáne 319 mlrd teńge materialdyq-tehnikalyq jabdyqtaýǵa baǵyttalǵan. Sonymen qatar, óńirlerdiń josparyna sáikes investitsiianyń 58% jeke investorlardyń (883 mlrd teńge) esebinen túsedi.
238 densaýlyq saqtaý nysanynyń qurylysyna jáne qymbat qural-jabdyqtarmen jaraqtandyrýǵa 800 mlrd.teńgeden asatyn jeke investitsiia tartý jumystaryn jalǵastyrý qajet.
Osy somanyń 90 % nemese 773 mlrd teńge 15 iri kóp beiindi klasterdiń qurylysyna tiesili, olar respýblikalyq deńgeide infraqurylymdyq MJÁ arqyly usynylady.
Osy tapsyrmany óńirlerde ákimdikter júzege asyrýy tiis. Densaýlyq saqtaý infraqurylymyn damytýǵa bólinetin qarajatty tiimdi paidalaný qajet.
Sondai-aq, otyrysta densaýlyq saqtaý salasyndaǵy reformalar men memlekettik baǵdarlamalardy júzege asyrý úshin 2019 jyldyń sońyna deiin mindetter aiqyndaldy. Ol - MÁMS engizý jáne densaýlyq saqtaý salasyn tsifrlandyrý.
Otyrysqa alqa jáne qoǵamdyq keńes músheleri, ákimderdiń orynbasarlary, óńirlerdegi densaýlyq saqtaý basqarmalarynyń, vedomstvoǵa qarasty uiymdar men aimaqtyq departament basshylary qatysty.
