Bilim jáne ǵylym ministrligi ekige bólindi. Tiisti Jarlyqqa Memleket basshysy qol qoidy. "Ult aqparat" qujat mátinin oqyrman nazaryna usynady.
***
Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne tiimdiligin arttyrý maqsatynda QAÝLY ETEMIN:
1. Qazaqstan Respýblikasynyń Bilim jáne ǵylym ministrligi:
Qazaqstan Respýblikasy Bilim jáne ǵylym ministrliginiń mektepke deiingi, orta, tehnikalyq jáne kásiptik, orta bilimnen keiingi bilim berý, qosymsha bilim berý, balalardyń quqyqtaryn qorǵaý, mektepke deiingi, orta, tehnikalyq jáne kásiptik, orta bilimnen keiingi bilim berý salasyndaǵy sapany qamtamasyz etý, mektepke deiingi, orta, tehnikalyq jáne kásiptik bilim berýdi tsifrlandyrý salasyndaǵy fýnktsiialary men ókilettikteri berile otyryp, Qazaqstan Respýblikasynyń Oqý-aǵartý ministrligine;
Qazaqstan Respýblikasy Bilim jáne ǵylym ministrliginiń joǵary jáne joǵary oqý ornynan keiingi bilim berý, til saiasaty, ǵylym, joǵary jáne joǵary oqý ornynan keiingi bilim berý men ǵylym salasyndaǵy sapany qamtamasyz etý, joǵary jáne joǵary oqý ornynan keiingi bilim berýdi tsifrlandyrý salasyndaǵy fýnktsiialary men ókilettikteri berile otyryp, Qazaqstan Respýblikasynyń Ǵylym jáne joǵary bilim ministrligine bólý arqyly qaita uiymdastyrylsyn.
2. Memlekettik organdar beriletin fýnktsiialar men ókilettikterge sáikes qaita uiymdastyrylatyn memlekettik organnyń quqyqtary men mindettemeleriniń quqyqtyq mirasqorlary bolyp belgilensin.
3. Qazaqstan Respýblikasynyń Úkimeti:
1) qaita uiymdastyrylatyn memlekettik organnyń shtat sanyn Qazaqstan Respýblikasy Prezidentiniń Ákimshiligimen kelisim boiynsha qaita bólýdi;
2) osy Jarlyqty iske asyrý jóninde ózge de sharalar qabyldaýdy qamtamasyz etsin.
4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgeris pen tolyqtyrýlar engizilsin:
1-tarmaq mynadai mazmundaǵy joldarmen tolyqtyrylsyn:
«Qazaqstan Respýblikasynyń Oqý-aǵartý ministrligi;
Qazaqstan Respýblikasynyń Ǵylym jáne joǵary bilim ministrligi;»;
«Qazaqstan Respýblikasynyń Bilim jáne ǵylym ministrligi;» degen jol alyp tastalsyn.
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2022 jylǵy 11 maýsym
№ 917
