QR Bilim jáne ǵylym ministri Ashat Aimaǵambetov mekteptegi ájethana máselesine qatysty tilshilerdiń suraǵyna jaýap berdi, dep habarlaidy "Ult aqparat".
«Syrttaǵy ájethanalardyń bárin joiý mindeti tur. Qarajat jergilikti biýdjetten bólinedi. Beinebaqylaý kameralary boiynsha da – jalpy qaýipsizdikti qamtamasyz etý turǵysynan tiisti jumys júrgizilip jatyr. Úkimet tapsyrma berdi. Bul jumysty aiaqtaimyz degen oidamyn», - dep jaýap berdi ministr Úkimet otyrysynan keiin tilshilerdiń qoiǵan suraǵyna.
Ashat Aimaǵambetov sonymen birge atalmysh máseleni sheshý boiynsha qarajattyń qaidan bólinetinin atap ótti.
«Qarajat kólemi ár óńirde ártúrli. Sebebi, smeta baǵasyn ázirleý kerek. Jumys toptary qazir tiisti jumysty qolǵa alyp, bul baǵytta qansha qarajattyń kerektigin sanap jatyr. Keibir mektepke qosymsha sý skvajinasy kerek, keibirine káriz tartý qajet. Bul keshendi másele. Qansha mektepke qajetti jumys jasalatyny belgili. 2300 mektepke jóndeý júrgizý kerek bolady. Qazir iske kirisip kettik», - dedi ol.
Buǵan deiin Tarazda 12 jastaǵy oqýshy qyzdy 38 jastaǵy erkek mekteptiń syrttaǵy ájethanasynda zorlaǵany týraly jazǵan bolatynbyz.
Osy shýly oqiǵa qoǵamda rezonans týǵyzyp, mektep ájethanalaryn syrttan ishke kirgizý jumysy qolǵa alynyp jatyr.
