قر بٸلٸم جەنە عىلىم مينيسترٸ اسحات ايماعامبەتوۆ مەكتەپتەگٸ ەجەتحانا مەسەلەسٸنە قاتىستى تٸلشٸلەردٸڭ سۇراعىنا جاۋاپ بەردٸ, دەپ حابارلايدى "ۇلت اقپارات".
«سىرتتاعى ەجەتحانالاردىڭ بەرٸن جويۋ مٸندەتٸ تۇر. قاراجات جەرگٸلٸكتٸ بيۋدجەتتەن بٶلٸنەدٸ. بەينەباقىلاۋ كامەرالارى بويىنشا دا – جالپى قاۋٸپسٸزدٸكتٸ قامتاماسىز ەتۋ تۇرعىسىنان تيٸستٸ جۇمىس جٷرگٸزٸلٸپ جاتىر. ٷكٸمەت تاپسىرما بەردٸ. بۇل جۇمىستى اياقتايمىز دەگەن ويدامىن», - دەپ جاۋاپ بەردٸ مينيستر ٷكٸمەت وتىرىسىنان كەيٸن تٸلشٸلەردٸڭ قويعان سۇراعىنا.
اسحات ايماعامبەتوۆ سونىمەن بٸرگە اتالمىش مەسەلەنٸ شەشۋ بويىنشا قاراجاتتىڭ قايدان بٶلٸنەتٸنٸن اتاپ ٶتتٸ.
«قاراجات كٶلەمٸ ەر ٶڭٸردە ەرتٷرلٸ. سەبەبٸ, سمەتا باعاسىن ەزٸرلەۋ كەرەك. جۇمىس توپتارى قازٸر تيٸستٸ جۇمىستى قولعا الىپ, بۇل باعىتتا قانشا قاراجاتتىڭ كەرەكتٸگٸن ساناپ جاتىر. كەيبٸر مەكتەپكە قوسىمشا سۋ سكۆاجيناسى كەرەك, كەيبٸرٸنە كەرٸز تارتۋ قاجەت. بۇل كەشەندٸ مەسەلە. قانشا مەكتەپكە قاجەتتٸ جۇمىس جاسالاتىنى بەلگٸلٸ. 2300 مەكتەپكە جٶندەۋ جٷرگٸزۋ كەرەك بولادى. قازٸر ٸسكە كٸرٸسٸپ كەتتٸك», - دەدٸ ول.
بۇعان دەيٸن تارازدا 12 جاستاعى وقۋشى قىزدى 38 جاستاعى ەركەك مەكتەپتٸڭ سىرتتاعى ەجەتحاناسىندا زورلاعانى تۋرالى جازعان بولاتىنبىز.
وسى شۋلى وقيعا قوعامدا رەزونانس تۋعىزىپ, مەكتەپ ەجەتحانالارىن سىرتتان ٸشكە كٸرگٸزۋ جۇمىسى قولعا الىنىپ جاتىر.
