QR Bilim jáne ǵylym ministrligi Ákimshilik jumys jáne memlekettik satyp alý departamentiniń direktory bolǵan Anar Qaiyrbekova Ońtústik Qazaqstan memlekettik pedagogikalyq ýniversitetiniń rektory bolyp taǵaiyndaldy, dep habarlaidy "Ult aqparat".
Bul taǵaiyndaýdy QR Bilim jáne ǵylym ministri Ashat Aimaǵambetov rastady.
«Bul, quqyqtyq alańda sheshiletin másele. Munda biliktilik talaptary bolady, sáikes protsedýralar júrgiziledi. Eger protsedýralar barlyq talapqa sai bolsa, sheshim qabyldanady. Bul jaǵdaida naqty sheshim qabyldandy. Muny men rastaimyn», - dep jaýap berdi ministr búgin Ortalyq kommýnikatsiialar qyzmetinde tilshilerdiń suraǵyna.
Eske sala ketsek, tamyz aiynda QR BǴM Ákimshilik jumys jáne memlekettik satyp alý departamentiniń direktory Anar Qaiyrbekova atalmysh vedomstvonyń jaýapty hatshysy Aryn Órsarievti, vitse-ministrler Rústem Biǵari men Fatima Jaqypovalardy qyzmet kórsetý týraly kelisimge qol qoiýda jemqorlyqqa jol berdi dep aiyptaǵan bolatyn.
Aiyptaýlarǵa R.Biǵari jaýap berip, bul áreketti «mediabopsa» dep atady.
Al 12 qazanda Memleket basshysynyń Ókimimen A.Órsariev QR Bilim jáne ǵylym ministrliginiń jaýapty hatshysy qyzmetinen bosatyldy.
Osy rette tilshiler ministrge: «Jaýapty hatshynyń ketýi QR BǴM departamentin basqarǵan Anar Qaiyrbekovanyń qyzmet kórsetý kelisimsharty týraly aiyptaýymen bailanysty ma?», - degen suraq qoidy.
«Jaýapty hatshyǵa kelsek, eki oqiǵanyń bir-birimen bailanysty dep aita almaimyn», - dedi A. Aimaǵambetov.
