Áleýmettik jeliler men messendjerlerde tarap jatqan Keńes úkimeti bilim júiesiniń batystyq júieden artyqshylyǵy týraly aqparat - jalǵan, dep habarlaidy QR Bilim jáne ǵylym ministrliginiń baspasóz qyzmeti.
«Qazir áleýmettik jeliler men messendjerlerde (Whats App jáne t.b.) "Ulybritaniia mektepteri keńestik bilim júiesine kóshýin aiaqtady" degen taqyrypta jalǵan aqparat taratylyp jatyr. Maqalada Keńes úkimeti bilim berý júiesiniń batystyq júieden artyqshylyǵy jaily aitylǵan» delingen habarlamada.
Vedomstvo taratqan málimetke sai, aqparatty faktcheking arqyly tekserý barysynda material Reseidiń satiralyq "Panorama" basylymynyń kezekti feiki ekendigi anyqtaldy.
Amerikalyq saittarda da mundai aqparat taratylmaǵan.
Satiralyq "Panorama" basylymy - iýmorlyq feleton-jańalyqtar saity. Olar maqsatty túrde halyqty adastyrýǵa baǵyttalǵan aqparattar jazady. Bastapqy bettiń tómen tusynda "Eskertý" bólimi ornalastyrylǵan. Onda sait avtorlary bylai dep məlimdeidi: "Panorama.pub saitynda keltirilgen materialdardyń barlyǵy ereksheliksiz satira, əri oidan qurastyrylǵan".
