Berik Asylov QR Bas prokýrorynyń birinshi orynbasary qyzmetine taǵaiyndaldy.
«Memleket basshysynyń Ókimimen Berik Noǵaiuly Asylov Qazaqstan Respýblikasy Bas prokýrorynyń birinshi orynbasary bolyp taǵaiyndaldy», - delingen Aqorda habarlamasynda.
Asylov Berik Noǵaiuly 1964 jylǵy 28 aqpanda Jambyl oblysynyń Birlik aýylynda týǵan. 1991 jyly Qazaq memlekettik ýniversitetin «zańger» mamandyǵy boiynsha bitirgen.
Ár jyldary Almatydaǵy Alataý aýdany prokýratýrasynyń aǵa tergeýshisi, Bas prokýratýranyń erekshe mańyzdy ister jónindegi aǵa tergeýshisi, Almaty aviatsiialyq kólik prokýrorynyń orynbasary, Shymkent qalasynyń prokýrory, Ońtústik Qazaqstan oblysy prokýrorynyń birinshi orynbasary, Aqtóbe oblysynyń prokýrory qyzmetterin atqarǵan.
2010 jyly Qazaqstan Respýblikasy Bas prokýrorynyń orynbasary bolǵan, 2011 jyldan Almaty prokýratýrasyn basqarǵan.
2017 jyldyń aqpanynan osy ýaqytqa deiin Soltústik Qazaqstan oblysynyń prokýrory bolyp jumys istedi.
