- QR Bas prokýratýrasy Ábiliazovty tutqyndaý sharalaryn jalǵastyrady. Bul týraly atalǵan vedomstvonyń baspasóz qyzmetinen habarlady.
«Qylmystyq isti tergeý aiaqtalǵan joq. Óitkeni, Ábiliazov jáne onyń birqatar sybailastary sot ádildiginen jaltaryp ketti. Qylmystyq is júrgizý zańnamasynyń talaptaryna sáikes, aiyptalýshy tulǵalardy quqyqqorǵaý organdary tarabynan qylmystyq qýdalaý - ony sotqa tapsyrǵanǵa deiin jalǵasýy tiis. Sondyqtan Qazaqstan Bas prokýratýrasy qai iýrisdiktsiiada bolsa da aiyptalýshylardy ustaý, tergeýdi aiaqtaý, ádil sot tóreligin qamtamasyz etý jáne keltirilgen shyǵynnyń ornyn toltyrý úshin zańda kózdelgen barlyq sharalardy qabyldaityn bolady», - delingen aqparatta.
Sonymen qatar, Bas prokýratýra Ábiliazovqa tek Qazaqstan men Reseide ǵana emes sonymen birge birqatar Eýropalyq memlekette, onyń ishinde Ýkraina men Shveitsariiada izdeý jariialanǵanyn, al Ulybritaniia ony syrttai 22 aiǵa bas bostandyǵynan aiyrǵanyn atap ótti.
Eske salaiyq, 10 jeltoqsan kúni Frantsiianyń joǵary ákimshilik soty - Memlekettik keńesi Muhtar Ábiliazovti Reseige ekstraditsiialaýdan bas tartý týraly sheshim qabyldaǵan edi. Ábiliazov Parijden ońtústikke qarai Fleri-Meroji kommýnasyndaǵy túrmede otyr. Bul Eýropadaǵy eń iri penitentsiarlyq mekeme bolyp tabylady. Biraq keiin Ábiliazovtyń otbasy onyń bosap shyqqandyǵynan túsinik beretin fotolardy áleýmettik jelilerdi jariialady.
Buǵan deiin habarlanǵandai, BTA bankiniń burynǵy basshysy Muhtar Ábiliazov Qazaqstanda, Reseide jáne Ýkrainada barlyǵy 11 bap boiynsha aiyptaldy. 2009 jyldyń 6 naýryzynda Ábiliazov halyqaralyq izdeýge jariialandy. Sebebi oǵan jáne ol basshylyq etken qylmystyq topqa senip tapsyrylǵan múlikti iemdengendigi jáne talan-tarajǵa salǵandyǵy, aldaý jáne senimge qiianat keltirý arqyly bóten múlikti urlaǵandyǵy, zańsyz jolmen tabylǵan aqsha qarajattaryn zańdastyrǵandyǵy, bank qarajattaryn zańsyz paidalanǵandyǵy, ókilettikti asyra paidalanǵandyǵy jáne qylmystyq topqa basshylyq etkendigi boiynsha Qazaqstan Respýblikasy Qylmystyq kodeksiniń 176-baby 3-bóliginiń «b» tarmaǵymen, 176-baby 3-bóliginiń «a», «b» tarmaqtary boiynsha - 24-babynyń 3-bóligimen, 177-baby 3-bóliginiń «a», «b» tarmaqtarymen, 193-baby 3-bóliginiń «b», «v» tarmaqtarymen, 220-babynyń 1-bóligimen, 228-babymen, 235-baby 3-bóligimen qarastyrylǵan) aiyptar taǵylǵan bolatyn.
Barynsha kólemdi jáne kúrdeli qylmystyq isterdiń biri bolyp tabylatyn bul qylmystyq istiń kólemi eki myń tomnan asady jáne 150-den astam epizodtan turady. Uiymdasqan qylmystyq toptyń jasaǵan áreketterinen keltirilgen shyǵynnyń anyqtalǵan somasy 7,5 mlrd. AQSh dollarynan asady.
Qylmyskerlerdiń is-áreketi tek Qazaqstan aýmaǵymen ǵana shektelmegen, qylmystardyń eleýli bóligi Qazaqstanda bastaý alyp, basqa elder aýmaǵynda, sonyń ishinde Resei Federatsiiasy men Ýkrainada aiaqtalǵan. Olar qylmystyq áreketterimen túrli sheteldik memleketter men zańdy tulǵalardyń múddelerine nuqsan keltirdi. Atap aitqanda, Resei Federatsiiasynda Resei Ortalyq bankiniń iri turaqtandyrǵysh zaimdary men jeke tulǵalardyń salymdary urlandy. Qylmyskerlerdiń Resei men Ýkrainada keltirgen shyǵyndarynyń somasy milliardtaǵan dollarmen esepteledi. Osyǵan bailanysty, sheteldik memleketterdiń birqatary ózderiniń ishki quqyqtyq jáne ákimshilik júielerine sáikes derbes ulttyq múddelerin basshylyqqa ala otyryp, uiymdasqan qylmystyq topty qylmystyq qýdalaýdy júzege asyrýda. Olardyń ishinde Resei Federatsiiasy men Ýkrainanyń quqyq qorǵaý organdary derbes qylmystyq isterge tergeý júrgizýde.
Birneshe memlekettiń tapsyrmasyna sáikes halyqaralyq izdeýde júrgen Ábiliazov Frantsýz Respýblikasynyń biligimen 2013 jylǵy 31 shildede ustaldy. 2013 jylǵy tamyzda Qazaqstan Respýblikasy, Resei Federatsiiasy jáne Ýkraina bir-birine táýelsiz, derbes túrde jáne ár eldiń ulttyq zańnamasynyń talaptaryna sáikes Áblázovti Frantsiiadan ekstraditsiialaý týraly saýaldar joldady.
Ult portaly
