Qazaqstan aýyr atletika federatsiiasy doping daýyna ilikken aýyr atlet Nidjat Rahimovty qorǵaý úshin halyqaralyq bilikti zańgerdi izdep jatyr, dep habarlaidy "Ult aqparat".
«Halyqaralyq testing agenttigi (ITA) ulttyq qurama múshesi Nijat Rahimovtyń atyna taǵylǵan aiyptarǵa bailanysty sportshy federatsiiaǵa óziniń kinásizdigin qorǵaýǵa niet bildirip, quqyqtyq qoldaý kórsetý týraly ótinish berdi. ITA habarlamasyna sáikes atlet óziniń jazbasha túsiniktemesin 1 aqpanǵa deiingi merzimde usynýy qajet. Bul rette qosymsha tártiptik tyńdaý suralýy múmkin, onyń barysynda sportshy óz dálelderin ózi aitýǵa múmkindigi bolady», - delingen federatsiiasynyń taratqan málimdemesinde.
Federatsiia sonymen qatar qazirgi ýaqytta Federatsiia Lozanna qalasynyń Halyqaralyq sport tóreligin qosa alǵanda barlyq instantsiialarda óz quqyqtary men múddelerin qorǵaý úshin halyqaralyq tájiribesi bar joǵary bilikti zańgerdi tartý máselesin pysyqtap jatyr.
«Dopingke nóldik tózimdilik qaǵidatyn ustana otyryp, federatsiia bul isti obektivti tergeýge múddeli jáne isti qaraý barysy týraly aqparat beredi», - delingen málimdemede.
Eske sala ketsek Nidjat Rahimov 2016 jyly zár taldaýyn almastyrdy dep aiyptalýda. Dál osyndai aiyppen 2017 jylǵy Eýropa chempiony Dýmitrý Kaptari da sporttan ýaqytsha shettetilgen bolatyn. Ol daýǵa qatysty Nidjat Rahimovtyń ózi de málimdeme taratqan edi.
