قازاقستان اۋىر اتلەتيكا فەدەراتسيياسى دوپينگ داۋىنا ٸلٸككەن اۋىر اتلەت نيدجات راحيموۆتى قورعاۋ ٷشٸن حالىقارالىق بٸلٸكتٸ زاڭگەردٸ ٸزدەپ جاتىر, دەپ حابارلايدى "ۇلت اقپارات".
«حالىقارالىق تەستينگ اگەنتتٸگٸ (ITA) ۇلتتىق قۇراما مٷشەسٸ نيجات راحيموۆتىڭ اتىنا تاعىلعان ايىپتارعا بايلانىستى سپورتشى فەدەراتسيياعا ٶزٸنٸڭ كٸنەسٸزدٸگٸن قورعاۋعا نيەت بٸلدٸرٸپ, قۇقىقتىق قولداۋ كٶرسەتۋ تۋرالى ٶتٸنٸش بەردٸ. ITA حابارلاماسىنا سەيكەس اتلەت ٶزٸنٸڭ جازباشا تٷسٸنٸكتەمەسٸن 1 اقپانعا دەيٸنگٸ مەرزٸمدە ۇسىنۋى قاجەت. بۇل رەتتە قوسىمشا تەرتٸپتٸك تىڭداۋ سۇرالۋى مٷمكٸن, ونىڭ بارىسىندا سپورتشى ٶز دەلەلدەرٸن ٶزٸ ايتۋعا مٷمكٸندٸگٸ بولادى», - دەلٸنگەن فەدەراتسيياسىنىڭ تاراتقان مەلٸمدەمەسٸندە.
فەدەراتسييا سونىمەن قاتار قازٸرگٸ ۋاقىتتا فەدەراتسييا لوزاننا قالاسىنىڭ حالىقارالىق سپورت تٶرەلٸگٸن قوسا العاندا بارلىق ينستانتسييالاردا ٶز قۇقىقتارى مەن مٷددەلەرٸن قورعاۋ ٷشٸن حالىقارالىق تەجٸريبەسٸ بار جوعارى بٸلٸكتٸ زاڭگەردٸ تارتۋ مەسەلەسٸن پىسىقتاپ جاتىر.
«دوپينگكە نٶلدٸك تٶزٸمدٸلٸك قاعيداتىن ۇستانا وتىرىپ, فەدەراتسييا بۇل ٸستٸ وبەكتيۆتٸ تەرگەۋگە مٷددەلٸ جەنە ٸستٸ قاراۋ بارىسى تۋرالى اقپارات بەرەدٸ», - دەلٸنگەن مەلٸمدەمەدە.
ەسكە سالا كەتسەك نيدجات راحيموۆ 2016 جىلى زەر تالداۋىن الماستىردى دەپ ايىپتالۋدا. دەل وسىنداي ايىپپەن 2017 جىلعى ەۋروپا چەمپيونى دۋميترۋ كاپتاري دا سپورتتان ۋاقىتشا شەتتەتٸلگەن بولاتىن. ول داۋعا قاتىستى نيدجات راحيموۆتىڭ ٶزٸ دە مەلٸمدەمە تاراتقان ەدٸ.
