Qazaqstan Respýblikasy Úkimetiniń 2018 jylǵy 11 shildedegi qaýlysymen Berik Tursynbekuly Beisenǵaliev Qazaqstan Respýblikasynyń Aýyl sharýashylyǵy vitse-ministri laýazymyna taǵaiyndaldy.
Berik Tursynbekuly Beisenǵaliev 1966 jylǵy 12 aqpanda Qostanai oblysynda dúniege kelgen. E.A. Bóketov atyndaǵy Qaraǵandy memlekettik ýniversitetin bitirgen, ekonomika ǵylymdarynyń doktory.
Eńbek jolyn 1990 jyly E.A. Bóketov atyndaǵy Qaraǵandy memlekettik ýniversitetinde oqytýshy bolyp bastady.
1996 jyldan 2006 jylǵa deiin respýblikamyzdyń bank júiesinde túrli laýazymdardy atqardy.
2006 jyldan 2009 jylǵa deiin «Astana Capital Investment Group» JShS bas direktory qyzmetin atqardy.
2009 jyldan 2011 jylǵa deiin «QazAgro» ulttyq basqarýshy holdingi» AQ Basqarma tóraǵasynyń orynbasary boldy.
2011 jyly «QazAgro» ulttyq basqarýshy holdingi» AQ Basqarma tóraǵasy bolyp taǵaiyndaldy.
2012 jyldan 2018 jylǵy mamyrǵa deiin «Samuryq-Qazyna» ulttyq ál-aýqat qory» AQ-da basqarýshy direktor – basqarma múshesi qyzmetin atqardy.
«Ekonomika» mamandyǵy boiynsha qaýymdastyrylǵan professor. Eýropalyq Jaratylystaný Akademiiasynyń korrespondent múshesi, Edinbýrg qalasy, Shotlandiia. Garvard biznes mektebiniń (Harvard Business School) Jalpy basqarý baǵdarlamasyn (General Management Program) tamamdaǵan.
«Qurmet» ordenimen marapattalǵan.
