QR Aýyl sharýashylyǵy vitse-ministri taǵaiyndaldy, dep habarlaidy Úkimet basshysynyń baspasóz qyzmeti.
"Úkimet Qaýlysymen Rústem Qurmanov QR Aýyl sharýashylyǵy vitse-ministri qyzmetine taǵaiyndaldy" delingen málimdemede.
Rústem Qurmanov 1981 jyly Soltústik Qazaqstan oblysynda dúniege kelgen. Sh. Ýálihanov atyndaǵy Kókshetaý memlekettik ýniversitetin támamdaǵan. Eńbek jolyn 2003 jyly QR AShM Agroónerkásiptik keshenindegi memlekettik inspektsiia komitetiniń Aqmola oblystyq aýmaqtyq basqarmasynyń Ekonomikalyq taldaý bóliminiń jetekshi mamany retinde bastaǵan. 2012-2013 jyldary QR AShM investitsiialyq saiasat departamentiniń direktory qyzmetin atqarǵan. 2013-2015 jyldary QR AShM Veterinarlyq baqylaý jáne qadaǵalaý komitetiniń tóraǵasy.
2015 jyldan bastap 2016 jylǵa deiin QR Ulttyq kásipkerler palatasynyń agroónerkásiptik kesheninde komitet hatshysy bolyp jumys istegen. 2017 jyldyń shilde aiynan bastap, QR Aýyl sharýashylyǵy vitse-ministri laýazymyn atqarǵan. 2018 jyldyń maýsymynan 2019 jyldyń aqpany aralyǵynda - «QazAgro» holdingi basqarmasynyń tóraǵasy.
