Elbasynyń «Rýhani Jańǵyrý» baǵdarlamalyq maqalasyn júzege asyrýdy kitap dúkenderiniń iri júiesi qoldap, «Kitap oqyp, rýhani bai bol!» respýblikalyq baiqaýynyń bas seriktesteriniń biri boldy.
Mega Silk Way saýda ortalyǵynda QR Aqparat jáne qoǵamdyq damý ministrligi men «Meloman» kompaniiasynyń ózara yntymaqtastyq jóninde memorandýmǵa qol qoiyldy.
«Elbasynyń «Rýhani Jańǵyrý» baǵdarlamalyq maqalasynyń basty baǵyttarynyń biri «Bilimniń saltanat qurýy» ekendigi jáne osy baǵyttyń tulǵanyń ári qarai damýyna, básekege qabiletti bolýyna múmkindik beretindigi belgili. Osy rette kitap oqýdyń mańyzdylyǵy erekshe. Sondyqtan da jobanyń bas seriktesteriniń biri – «Meloman» kompaniiasy bolyp otyr», - dep Aqparat jáne qoǵamdyq damý vitse-ministri Daniiar Esin atap ótti.
«Meloman» kompaniiasynyń Nur-Sultan qalasy boiynsha filialynyń direktory Anna Valentovanyń pikirinshe jalpy qazaqstandyq qoǵamnyń áleýetiniń artýy ziiatkerlik kapitaldyń damýyna bailanysty. «Bizdiń komanda bul jobany qýanyshpen jáne maqtanyshpen qoldap, «Rýhani Jańǵyrý» baǵdarlamalyq maqalasynyń basty baǵyttarynyń biri «Bilimniń saltanat qurýynyń» damýyna úles qosýǵa daiyn. Kitap oqýdy nasihattaý qajet ári mańyzdy! Sondyqtan da oqyńyz jáne odan ári damyńyz»,-dep atap ótti Anna Valentova.
«Kitap oqyp, rýhani bai bol!» respýblikalyq baiqaýy astanalyq jastardyń erekshe qyzyǵýshylyǵyn týdyrdy. «Meloman» alańynda jas aqyndar óz avtorlyq shyǵarmalaryn oqyp, otandyq jáne sheteldik ádebiet týyndylaryn talqylady. Memorandýmǵa qol qoiý aiasynda Nur-Sultannyń erekshe belsendi saiyskerlerine Daniiar Esin syilyq sertifikattaryn tartý etti.
Baiqaýǵa kez-kelgen tulǵa qatysa alatyndyǵyn esterińizge salamyz. Birinshi kezeń – áleýmettik jelilerdegi estafeta. Qatysýshy shyǵarmadan úzindilerdi mánerlep oqyp, «Rýhani jańǵyrý» óńirlik jobalyq keńseleriniń jáne https://www.facebook.com/ruhani.kz, https://www.instagram.com/ruhkz/ ortaq akkaýnttaryn belgilep, instagramǵa jeke betine ornalastyrýy qajet, sondai-aq baiqaýdyń arnaiy heshtegterin #RuhaniJangyry #KitapOqypRuhaniBaiBol paidalanýy qajet.
Ekinshi kezeńge áleýmettik jelilerde eń kóp laiktar men repost jinaǵan qatysýshylar ótedi. Olar úshin «Meloman», «Marvin» óńirlik kitap dúkenderiniń birinde nemese uiymdastyrýshy aiqyndaǵan basqa orynda kórkem kitaptardy tereń uǵynýǵa baǵyttalǵan pikirtalastar uiymdastyrylady. Qazylar alqasynan alǵan upailaryna sai, úzdikter aqtyq kezeńge ótedi.
Baiqaý 2020 jyldyń 1-aqpanynan deiin jalǵasady.
