Almaty ákimi Baqytjan Saǵyntaevtyń ókimimen jáne Qazaqstan Respýblikasy Prezidenti Ákimshiliginiń kelisimimen Erlan Qojaǵapanov qala ákiminiń orynbasary qyzmetine taǵaiyndaldy, dep habarlaidy "Ult aqparat".
E.Qojaǵapanov 1968 jyly týǵan. 1992 jyly Qaraǵandy memlekettik ýniversitetin «Ekonomika» mamandyǵy boiynsha bitirdi. 1999 jyly - Almaty memlekettik ýniversiteti «Qarjy» mamandyǵy boiynsha. 2006 jyly RF Memlekettik keden komitetiniń Resei keden akademiiasyn «Zańger» mamandyǵy boiynsha bitirdi. 1987-1989 jyldary KSRO Qarýly Kúshterinde qyzmet etti.
1990 jyldan 1994 jylǵa deiin - kásipkerlikpen ainalysqan.
1994 jyldan 2007 jylǵa deiin - memlekettik organdar men kásiporyndarda jumys istedi.
2007 jyldan 2013 jylǵa deiin - Astana qalasy ákiminiń orynbasary.
2013 jyldan bastap 2016 jylǵa deiin - Qazaqstan Respýblikasy Sport jáne dene shynyqtyrý isteri agenttiginiń tóraǵasy jáne Qazaqstan Respýblikasy fýtbol federatsiiasynyń prezidenti.
2016 jyldan 2017 jylǵa deiin - Qazaqstan Respýblikasy premer-ministriniń keńesshisi.
2017 jyldan bastap - Qazaqstan Respýblikasynyń Mádeniet jáne sport vitse-ministri qyzmetinde bolǵan.
