QR Mádeniet jáne sport vitse-ministri Erlan Qojaǵapanov elimizde sport túrlerin qarjylandyrý tetigi týraly aityp berdi, dep habarlaidy QazAqparat.
«Sport túrlerinen biýdjet qarajatynyń ashyqtyǵy men ony teńgerimdi bólýdi qamtamasyz etý maqsatynda 2017 jyly zańnamaǵa sport túrlerin saralaý túsinigi engizildi. Erejege sáikes júrgizilgen saralaý rásimderi nátijesi boiynsha aldaǵy eki jylǵa sporttyń basymdyqty tizbesi bekitiledi», - dep toqtaldy vitse-ministr Ortalyq kommýnikatsiialar qyzmetinde.
Onyń aitýynsha, atalǵan tizbe sport túrlerine qarajatty bólý kezinde negiz bolady.
«Saralaý kórsetkishterin aiqyndaýdyń negizgi kriterilerine jarystarda tiisti sport túri boiynsha sportshylardyń jetistikteri, materialdyq-tehnikalyq bazanyń bolýy, óńirdiń klimattyq jaǵdaiyna sport túrleri erekshelikteriniń araqatynasy jatady. Osynyń nátijesinde sport túrleri negizgi úsh topqa bólinedi. Birinshisi – damyǵan sport túrleri, ekinshisi – joǵary áleýetke ie sport túrleri, úshinshisi – damýdyń tómen áleýetine ie sport túrleri. Osy arqyly, qazirgi kezde sportty qarjylandyrýdyń modeli ázirlendi. Bul óz kezeginde respýblikalyq deńgeide qarajatty obektivti bólýge kepildik beredi», - dedi spiker.
