Qoja Ahmet Iasaýi kesenesi men onyń ainalasynda dron apparaty arqyly foto, videony ruqsatsyz túsirýge tyiym salyndy, dep habarlaidy QazAqparat.
Qazaqstan Respýblikasy Indýstriia jáne infraqurylymdyq damý ministriniń 2020 jylǵy 31 jeltoqsandaǵy elimizdegi áýe keńistiginde pilotsyz ushý apparattaryn paidalaný qaǵidalaryn bekitý týraly № 706 buiryǵyna sáikes «Áziret Sultan» memlekettik tarihi-mádeni qoryq-mýzeii aýmaǵynda dron apparatyn ruqsatsyz ushyrýǵa bolmaidy.
«Bul sheshim halyq kóp shoǵyrlanatyn aimaqtyń qaýipsizdigi jáne tarihi eskertkishterdi qorǵaý maqsatynda júzege asyp otyr», - deidi «Áziret Sultan» memlekettik tarihi-mádeni qoryq-mýzeiiniń baspasóz hatshysy Madina Jumabaiqyzy.
Pilotsyz ushý apparatyn kúzetiletin obektilerdiń ústinen ushyrý úshin Qazaqstan Respýblikasynyń Ulttyq qaýipsizdik organdarymen jáne Memlekettik kúzet qyzmetimen keminde 5 jumys kúni buryn maquldanýy tiis.
