Túrkistandaǵy Qoja Ahmet Iasaýi kesenesine kirýdiń jańa júiesi engizildi. Búgin bul jańashyldyqty oblys ákimi Ómirzaq Shókeev synaqtan ótkizip kórdi, dep habarlaidy "Ult aqparat".
Atap aitqanda kesenege kelýshilerdiń jailylyǵy úshin kirý biletterin sait arqyly onlain satyp alý jáne terminaldar arkyly biletter alý múmkinshiligi jasalyp otyr.
Sondai-aq, týrniketterge QR-kod skan arqyly kirý múmkindigi engizildi. Jańa júiemen alǵashqylardyń biri bolyp tanysqan aimaq basshysy onyń óte yńǵaily ekenin atap ótti. Aita keteiik, týrister úshin jasalǵan jańa múmkindik «Tsifrlyq Qazaqstan» memlekettik baǵdarlamasy aiasynda QR Mádeniet jáne sport ministrligimen kelise otyryp júzege asyp otyr.
Endigi jerde, kesenege kirý biletterin sait arqyly (pay.azretsultan.kz) satyp alýǵa jáne terminaldar arkyly qol jetkizýge bolady. Sondai-aq, týrist biletterdi týriniketterge QR-kodyn skan jasap kire alady.
Al, kelýshilerdiń sanyn baqylaý boiynsha tolyq saraptama júrgizý úshin arnaiy kameralar ornatyldy. Munyń barlyǵy kelgen saiahatshylardyń sanaǵyn júrgizýge, olardyń týristik nysandardy kórýdegi emotsiiasyn baqylaýǵa múmkindik bermek.
