Qazaqstannyń bas sanitar dárigeri Erlan Qiiasovtyń qaýlysymen «qoiý qyzyl» aimaqqa kirgen oblystarda 2 tamyzdan bastap shekteý sharalary kúsheitiletin boldy, habarlaidy "Ult aqparat".
«Qoiý qyzyl» aimaqta demalys kúniniń shekteý sharalary engizilsin», - dep jazylǵan qaýlynyń mátininde.
Naqtyraq aitsaq, Nur-Sultan, Almaty, Shymkent, Atyraý jáne Qaraǵandy qalalarynda 2 tamyzdan bastap:
1) ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uiymdaryn, sondai-aq osy tarmaqtyń 4-tarmaqshasynda kórsetilgen uiymdardy qospaǵanda, menshik nysandaryna qaramastan, «Ashyq»-qa qatyspaityn barlyq kásiporyndar men uiymdardyń qyzmetin ýaqytsha toqtatylady;
2) oiyn-saýyq, sporttyq jáne basqa da buqaralyq is-sharalardy, sondai-aq otbasylyq, estelik is-sharalardy ótkizýge tyiym salynady;
3) memlekettik organdardyń (uiymdardyń), keńselerdiń, ulttyq kompaniialardyń jáne ózge de uiymdardyń qyzmetkerleriniń (vaktsinatsiialanǵan jáne sońǵy 3 ai ishinde aýyryp saýyqqan adamdardy qospaǵanda) 80%-y qashyqtan jumys isteidi.
