© AP Photo / David Goldman
Kostenko atyndaǵy shahtada bolǵan apattan qaza tapqandar sany 21 adamǵa jetti, dep habarlady "Ult aqparat" "ArselorMittal Temirtaý" baspasóz qyzmetine silteme jasap.
Kompaniianyń málimetinshe, 252 kenshiniń 208-i jer betine shyǵarylyp, onyń 18-i meditsinalyq kómekke júgingen.
"Shahtada 23 kenshi qaldy. 21 kenshiniń máiiti tabyldy. Izdeý-qutqarý jumystary jalǵasyp jatyr. Shtab jumys isteidi", - delingen saǵat 12:00-degi jaǵdai boiynsha taratylǵan habarlamada.
"ArselorMittal Temirtaý" AQ Kostenko atyndaǵy shahtada bolǵan oqiǵaǵa bailanysty Tótenshe jaǵdailar ministrligi jáne Qaraǵandy oblysynyń tótenshe jaǵdailar departamentinde aqparattyq jáne psihologiialyq qoldaý kórsetý úshin senim telefondary jumys isteidi: 8 (7172) 70-41-08, 8 (7212) 51-72-23, 8 (7212) 49-72-70.
