Qostanai qalasyndaǵy Nazarbaev ziiatkerlik mektebiniń 12-shi synyp oqýshysy Álijan Ybyraev Prezidenttik olimpiadada birinshi orynǵa ie boldy, dep habarlaidy QazAqparat.
Qarashanyń 15-18 aralyǵynda Qazaqstan Respýblikasynyń Bilim jáne ǵylym ministrligi Qaraǵandy qalasyndaǵy akademik E.A.Bóketov atyndaǵy ýniversitette jaratylystaný-matematikalyq tsikl pánderi boiynsha HIV Prezidenttik olimpiadany ótkizdi. Biyl olimpiadaǵa respýblikanyń 183 oqýshysy jinalyp, matematika, fizika, himiia jáne biologiia pánderinen bilimderin kórsetti.
Bul dodada ózderin laiyqty tanytqan «Nazarbaev ziiatkerlik mektepteri» qurama komandasy «2021 jyldyń úzdik olimpiadalyq komandasy» atandy. Al qatysýshylar arasynda Qostanai qalasyndaǵy fizika-matematikalyq baǵytyndaǵy NZM oqýshysy Álijan Ybyraev erekshe bilim kórsetip, Prezidenttik olimpiadada jeńimpazdardyń biri atandy. Budan bólek, ol Qazaqstandaǵy eń bedeldi tehnikalyq ýniversitetterdiń biri Satbayev University-inde bilim alý grantyn aldy.
Prezidenttik olimpiadanyń qorytyndysy boiynsha NIS oqýshylary 4 altyn, 3 kúmis jáne 7 qola medal jeńip alǵan.
