Foto: kstnews.kz
Qostanailyq UOS ardageriniń nagradasy 8 myń eýroǵa satylǵan, - dep habarlaidy Tengrinews.kz saity "Kostanaiskie novosti" basylymyna silteme jasap.
Áńgime Ekinshi dúniejúzilik soǵysqa qatysqan Petr Rodionovqa tiesili "Zolotaia Zvezda" medali týraly bolyp otyr. Ol soǵystan keiin Qostanai oblysy Amangeldi aýdany Tasty aýylynda turǵan. 1978 jyly Petr Rodionov qaitys boldy.
"Kostanaiskie novosti" basylymynyń málimetinshe, 2022 jyldyń qarashasynan bastap ardagerdiń №8825 medali aǵylshyn tilindegi faleristika saittarynyń birinde satylymǵa shyǵarylǵan. Satýshy retinde gollandiialyq Mett Iansen kórsetilgen. Met Iansen medaldi 8 000 eýro dep baǵalaǵan.
Maqala avtory Qazaqstanda ómir súrgen ardagerdiń marapaty Niderlandyǵa qalai barǵanyna tańǵalǵan. Ardager qaitys bolǵannan keiin medal Petr Rodionovtyń eń jaqyn týystaryna mura boldy degen boljam bar.
Basylym "Stan-Tsentr" direktory Andrei Vypolzovtyń aqparatyn bergen, ol Niderlandy azamatymen habarlasqan.
"Biz Keńes Odaǵynyń batyry Petr Rodionovtyń medalin satýshy Mett Iansenmen bailanysqa shyqtyq. Hat-habarlarǵa qaraǵanda, bul aqyldy, bilimdi eýropalyq azamat, ol úshin keńestik nagradalardy satý "jai biznes". Ol tipti medal satylyp ketkenine ókinish bildirdi. Segiz myń eýroǵa. Kimge ekenin aitpaidy, kommertsiialyq qupiia", - dep atap ótti basylym.
