Qostanai oblysynyń qutqarýshylary meditsinalyq kómekke muqtaj jandardy jedel túrde jaqyn jerdegi aýrýhanalarǵa jetkizip jatyr, dep habarlaidy "Ult aqparat".
Qostanai oblysynda aýa raiynyń nasharlaýy men jaiaý burqasyn qutqarýshylardyń jumysyn kóbeite tústi. Keshegi kúnniń ózinde olar 7 tehnikany kúrtik qardan shyǵaryp, 5 adamdy qaýipsiz jerge jetkizdi, 19 adamdy qutqardy. Olardyń arasynda bir bala bar.
«11 naýryzda Arqalyqqa jaqyn Fýrmanovka aýylynyń turǵyndary qar qursaýynda qalyp qoidy. Qar basý men qatty jeldiń áserinen aýylǵa jeter jol jabylyp qaldy, - dep málimdedi TJD. – 11:36-da aýyl turǵyndary qutqarýshylarmen bailanysqan. 5 adam meditsinalyq kómekke muqtaj bolǵan. Olardy jedel túrde Arqalyqtyń ortalyq aýdandyq aýrýhanasyna jetkizý kerek boldy. Joldy tizege deiin qalyń qar basqan. 14:20-da aýylǵa jol talǵamaityn kólikpen jetken TJD qyzmetkerleri tórt eresek adamdy jáne bir úsh jasar balany qar qursaýynan alyp shyǵyp, Arqalyqtaǵy aýrýhana dárigerlerine tapsyrdy.
«Mundai kúnderi qutqarýshylar jedel járdem qyzmetkerleriniń jumysyn jeńildetip, kómek kórsetýde. Olar azamattardan túsken qońyraýlarǵa shuǵyl jaýap berip otyrady, habarlasqandar kóbinese shalǵai aýyldardyń turǵyndary bolyp shyǵady. Zardap shekkenderge kómek kórsetilip, olar meditsinalyq mekemelerge jetkiziledi. Aýa raiynyń qolaisyzdyǵyna qaramastan qutqarýshylar on, keide júz shaqyrym jerdi basyp ótip, adamdarǵa kómek kórsetip jatyr», - dep qosty vedomstvoda.
