قوستاناي وبلىسىنىڭ قۇتقارۋشىلارى مەديتسينالىق كٶمەككە مۇقتاج جانداردى جەدەل تٷردە جاقىن جەردەگٸ اۋرۋحانالارعا جەتكٸزٸپ جاتىر, دەپ حابارلايدى "ۇلت اقپارات".
قوستاناي وبلىسىندا اۋا رايىنىڭ ناشارلاۋى مەن جاياۋ بۇرقاسىن قۇتقارۋشىلاردىڭ جۇمىسىن كٶبەيتە تٷستٸ. كەشەگٸ كٷننٸڭ ٶزٸندە ولار 7 تەحنيكانى كٷرتٸك قاردان شىعارىپ, 5 ادامدى قاۋٸپسٸز جەرگە جەتكٸزدٸ, 19 ادامدى قۇتقاردى. ولاردىڭ اراسىندا بٸر بالا بار.
«11 ناۋرىزدا ارقالىققا جاقىن فۋرمانوۆكا اۋىلىنىڭ تۇرعىندارى قار قۇرساۋىندا قالىپ قويدى. قار باسۋ مەن قاتتى جەلدٸڭ ەسەرٸنەن اۋىلعا جەتەر جول جابىلىپ قالدى, - دەپ مەلٸمدەدٸ تجد. – 11:36-دا اۋىل تۇرعىندارى قۇتقارۋشىلارمەن بايلانىسقان. 5 ادام مەديتسينالىق كٶمەككە مۇقتاج بولعان. ولاردى جەدەل تٷردە ارقالىقتىڭ ورتالىق اۋداندىق اۋرۋحاناسىنا جەتكٸزۋ كەرەك بولدى. جولدى تٸزەگە دەيٸن قالىڭ قار باسقان. 14:20-دا اۋىلعا جول تالعامايتىن كٶلٸكپەن جەتكەن تجد قىزمەتكەرلەرٸ تٶرت ەرەسەك ادامدى جەنە بٸر ٷش جاسار بالانى قار قۇرساۋىنان الىپ شىعىپ, ارقالىقتاعى اۋرۋحانا دەرٸگەرلەرٸنە تاپسىردى.
«مۇنداي كٷندەرٸ قۇتقارۋشىلار جەدەل جەردەم قىزمەتكەرلەرٸنٸڭ جۇمىسىن جەڭٸلدەتٸپ, كٶمەك كٶرسەتۋدە. ولار ازاماتتاردان تٷسكەن قوڭىراۋلارعا شۇعىل جاۋاپ بەرٸپ وتىرادى, حابارلاسقاندار كٶبٸنەسە شالعاي اۋىلداردىڭ تۇرعىندارى بولىپ شىعادى. زارداپ شەككەندەرگە كٶمەك كٶرسەتٸلٸپ, ولار مەديتسينالىق مەكەمەلەرگە جەتكٸزٸلەدٸ. اۋا رايىنىڭ قولايسىزدىعىنا قاراماستان قۇتقارۋشىلار ون, كەيدە جٷز شاقىرىم جەردٸ باسىپ ٶتٸپ, ادامدارعا كٶمەك كٶرسەتٸپ جاتىر», - دەپ قوستى ۆەدومستۆودا.
