Foto: egemen.kz
Almatyda elimizdiń jáne Ózbekstannyń jas sportshylaryn jinaǵan dástúrli «Altyn kúz – 2025» respýblikalyq jasóspirimder arasyndaǵy ústel tennisi týrniri aiaqtaldy. Alty kúnge sozylǵan básekede qatysýshylar 2010–2012, 2013–2014 jáne 2015 jyl jáne odan kishi jas sanattary boiynsha júldeler jiyntyǵyn sarapqa saldy.Týrnirde Qostanai oblysy Qostanai, Rýdnyi jáne Arqalyq qalalarynan kelgen 13 jas sportshy keldi. Qyzyqty ári tartysty matchtardyń qorytyndysy boiynsha oblys eki chempiondyq ataqqa ie boldy. Óz jas sanattarynda jeńimpaz atanǵandar – Qostanai qalalyq №2 BJSM ústel tennisi bóliminiń tárbielenýshileri Janiia Bekmuhambetova men Dagir Daniiarov.
«Eki chempion – óte jaqsy nátije. Qarsylastar myqty boldy, ásirese Ózbekstannan kelgen sportshylar. Olardaǵy ústel tennisi óte qarqyndy damyp keledi, kóp bala halyqaralyq týrnirlerdiń júldegeri atanǵan», – dedi Qostanai oblysy quramasynyń aǵa jattyqtyrýshysy Ǵaiyp Daniiarov.
Biyl Ózbekstan sportshylary shynymen joǵary daiyndyq kórsetti – olar alty finaldyń beseýine joldama alyp, medal úshin kúreste qazaqstandyqtardyń basty básekelesine ainaldy.
Jattyqtyrýshynyń aitýynsha, Qazaqstanda da ústel tennisine degen qyzyǵýshylyq qarqyndy ósip keledi.
Infraqurylymnyń damýy, sektsiialardyń qoljetimdiligi jáne balalarmen júieli ádistemelik jumys óz nátijesin berýde. Bul serpilis sport mektepteriniń turaqty jumysy, jattyqtyrýshylar quramynyń eńbegi jáne balalar sportyna memleket pen biznes tarapynan jiilep otyrǵan qoldaýdyń arqasynda múmkin bolyp otyr. Osyndai birlesken kúsh-jiger sektsiialardy damytýǵa, balalardyń týrnirlerge qatysýyna jáne úlken sporttaǵy jetistikterge jol ashýǵa múmkindik beredi.
Qostanai sportshylaryn daiyndaýda seriktesterdiń qoldaýy da erekshe ról atqarady. Kóp jyl boiy óńirdiń jasóspirimder komandasyn damytýǵa qazaqstandyq Allur avtomobil kompaniiasy kómektesip keledi: inventar, sporttyq kiim usynyp, jarystarǵa qatysýǵa jaǵdai jasaýda. Qostanai oblystyq ústel tennisi federatsiiasy da daiyndyq protsesine, jarys saparlaryn uiymdastyrýǵa jáne jasóspirimder baǵytyn damytýǵa belsendi atsalysady.
Ǵaiyp Daniiarov joǵary nátijege tek tehnika nemese fizikalyq daiyndyqpen ǵana jetýge bolmaitynyn atap ótedi.
Emotsiialyq turaqtylyq, sheshim qabyldaý jyldamdyǵy jáne sporttyq minez de jyldar boiy qalyptasady.
«Biz kún saiyn, aptasyna jeti ret jattyǵamyz. Balalardyń qosymsha dene daiarlyǵy sabaqtary bar. Ádette kóp eńbektengen sportshy jarysta eń jaqsy nátijeni kórsetedi», – dedi ol.
«Altyn kúz» týrniri elimizdegi jasóspirimder arasyndaǵy ústel tennisiniń negizgi básekeleriniń biri sanalady. Bul jarys komandalardyń daiyndyǵyn baǵalaýǵa, reitingterdi jańartýǵa jáne bolashaǵy zor jas sportshylardy anyqtaýǵa múmkindik beredi.
