Foto: IIM
Qostanai oblysynda 21 jastaǵy jigit iz-túzsiz joǵalyp ketti. Ol 26 sáýir kúni Almatyǵa jumysqa attanǵannan keiin bailanysqa shyqpaǵan, dep habarlaidy Ult.kz.
Bul týraly "Dos" izdestirý-qutqarý jasaǵynyń eriktileri habarlady. Olardyń málimetinshe, Roman Iýrtsevich Qostanaidan Almatyǵa jolǵa shyqqan, alaida sodan beri onyń qaida ekeni belgisiz.
Jigittiń janynda Pýma esimdi iti bolǵan. Ittiń moinynda altyn tústi qarǵybaýy bar.
Belgileri: boiy shamamen 180 sm, dene bitimi ortasha, kózi kók. Oń aiaǵynda jylan oralǵan bas súiek beinesindegi tatýirovkasy bar.
Qazirgi ýaqytta onyń júrgen jeri anyqtalmai otyr. Eriktiler qandai da bir aqparat biletin azamattardy 102 nómirine habarlasýǵa shaqyrady.
