Qostanaida jol apatynan 3 ailyq náreste qaza tapty, - dep habarlaidy "Ult aqparat" IIM baspasóz qyzmetine silteme jasap.
17 tamyzda saǵat 00:05 shamasynda Altynsarin jáne Táýelsizdik kósheleriniń qiylysynda 22 jastaǵy júrgizýshi VAZ 21099 avtokóligimen Altynsarin kóshesinde kele jatyp, solǵa burylǵan kezde 24 jastaǵy júrgizýshiniń basqarýymen qarsy baǵytta kele jatqan Toyota Camry kóligine jol bermegen. Nátijesinde Toyota 31 jastaǵy júrgizýshi tizgindegen Volkswagen Golf avtokóligimen soqtyǵysqan.
"Jol apatynan Toyota-nyń júrgizýshisi men aýrýhanaǵa jetkizilgen jolaýshy zardap shekti. Sondai-aq kólikte 3 ailyq náreste bolǵan. Ol alǵan jaraqattyń aýyrlyǵyna bailanysty qaitys boldy.
Volkswagen avtokóliginiń júrgizýshisi men jolaýshysy aýrýhanaǵa jetkizildi.
QR QK 345-baby 3-bóligi boiynsha sotqa deiingi tergeý bastaldy" - delingen habarlamada.
