Qostanaida qutqarýshylar shatyrdy buzyp jatqanda denesi jartylai jansyzdanyp, qozǵala almai qalǵan qurylysshyǵa kómektesti, dep habarlaidy "Ult aqparat" Qostanai oblystyq TJD-niń baspasóz qyzmetine silteme jasap.
Qutqarýshylarǵa jedel járdem qyzmetkerleri telefon shaldy. Olar qaladaǵy turǵyn úidiń shatyryn buzý jumysyn júrgizip jatqan qurylysshynyń arqa nervine zaqym kelip, saldarynan ol ornynan qozǵala almai qalǵanyn habarlaǵan.
«Qutqarýshylar dereý oqiǵa ornyna attandy. Olar úidiń eski shatyryna shyǵyp, zardap shekken er adamǵa alǵashqy kómek kórsetti. Alpinist jabdyqtar, kóshpeli satynyń kómegimen er adamdy turǵyn úidiń tóbesinen tómenge túsirip, jedel meditsinalyq járdem dárigerlerine tapsyrdy», - dep habarlady TJD-dan.
Qazirgi kezde zardap shekken er adam dárigerlerdiń qaraýynda jatyr, onyń ómirine eshqandai qaýip tónip turǵan joq.
